Read new_tumbuka_bible Yoshuwa 19 Bible Online

Yoshuwa 19 - new_tumbuka_bible bible

Yoshuwa 19

¹Mphenduzgo ya chiŵiri yikachitika ndipo yikawira fuko la Simiyoni. Charu icho chikaperekeka kuŵa chiharo chawo kwakuyana na mbumba zawo chikaŵa mukati mu chiharo cha fuko la Yuda.

²Charu chawo chikaŵa na misumba iyi: Beyeresheba, Sheba na Molada,

³Hazara Shuwala, Bala, Ezemu,

⁴Elitoladi, Betulu, Horima

⁵Zikilagi, Beti Marikaboti, Hazara Susa,

⁶Beti Lebawoti, na Sharuheni. Yose misumba yikaŵa 13 pamoza na vikaya vyawo.

⁷Kukaŵaso msumba wa Ayini, wa Rimoni, wa Etere na Ashani. Yose yikaŵa misumba yinayi pamoza na vikaya vyawo.

⁸Pakaŵaso vikaya vyose ivyo vikazingirizga misumba iyi kuya kafika ku Baalati Beyere (panji Rama wa ku mwera). Ichi ndicho chikaŵa chiharo cha fuko la Simiyoni kwakuyana na mbumba zawo.

⁹Charu icho chikaperekeka ku ŵa fuko la Simiyoni kuŵa chiharo chawo, chikaŵa cha ŵa fuko la Yuda, chifukwa Yuda wakaŵa na chikuru chomene. Ntheura ŵa fuko la Simiyoni ŵakapokera chiharo chawo kufuma mukati mwa chiharo cha Yuda.

¹⁰Mphenduzgo ya chitatu iyo yikachitika yikawira fuko la Zebuloni kwakuyana na mbumba zawo. Ndipo mphaka ya charu chawo yikaya kafika ku msumba wa Saridi.

¹¹Mphaka yawo yikakwera kurazga ku manjiliro gha dazi, kuya ku Mareyala. Yikaya kafika ku Dabesheti mpaka ku mronga uwo uli ku dera la ku manjiliro gha dazi kwa msumba wa Yokineyamu.

¹²Mphaka yira yikazgomba kurazga ku mafumiro gha dazi kufuma ku msumba wa Saridi, kuya ku mphaka ya charu cha Chisiloti Taboro, ndipo yikarutilira mpaka ku msumba wa Daberati na kukwerera ku msumba wa Yafiya.

¹³Ndipo yikarutilira kurazga ku mafumiro gha dazi kuya ku msumba wa Gati Hefere na wa Eti Kazini. Yikiza kafumira ku Rimoni ndipo yikazgomba kurazga ku Neya.

¹⁴Ndipo ku mpoto mphaka yira yikazgomba kurazga ku msumba wa Hanatoni, ndipo yikamalira ku Dambo la Ifitahele.

¹⁵Yikiza kafika ku misumba iyi: Katati, Nahalala, Shimuroni, Idala, na Betelehemu. Yose yikaŵa misumba 12 pamoza na vikaya vyawo.

¹⁶Misumba iyi na vikaya vyakhe ndivyo vikaŵa chiharo cha fuko la Zebuloni, kwakuyana na mbumba zawo.

¹⁷Mphenduzgo ya chinayi iyo yikachitika yikawira ŵa fuko la Isakara kwakuyana na mbumba zawo.

¹⁸Charu chawo chikaŵa na msumba iyi: Yezireyele, Kesuloti, Shunemu.

¹⁹Hafarayimu, Shiyoni, Anaharati,

²⁰Rabiti, Kishiyoni, Ebezi,

²¹Remeti, Eni Ganimu, Eni Hada na Beti Pazezi.

²²Mphaka yikufika na ku Taboro, Shahazuma na Beti Shemeshi, ndipo yikaya kamalira ku mronga wa Yorodani. Yose yikaŵa misumba 16 pamoza na vikaya vyawo.

²³Misumba iyi na vikaya vyakhe ndivyo vikaŵa chiharo cha ŵa fuko la Isakara, kwakuyana na mbumba zawo.

²⁴Mphenduzgo ya chinkhonde iyo yikachitika yikawira ŵa fuko la Ashere kwakuyana na mbumba zawo.

²⁵Charu chawo chikaŵa na misumba iyi: Helikati, Hali, Beteni, Akishafu,

²⁶Alameleki, Amadi, na Mishala. Ku dera la ku manjiliro gha dazi, mphaka yikaya kafika ku Phiri la Karimele na ku mronga wa Shihoro Libinati.

²⁷Mphaka yira yikazgomba kurazga ku Betidagoni ku dera la ku mafumiro gha dazi mpaka yikaya kafika ku charu cha Zebuloni na ku Dambo la Ifitahele dera la ku mpoto wa msumba wa Beti Emeki na ku Neyiyele. Yikarutilira ku dera la ku mpoto ndipo yikaya kafika ku msumba wa Kabulu cha ku mazere,

²⁸ku Eburoni, Rehobu, Hamoni na Kana mpaka ku Sidoni Mukuru.

²⁹Mphaka yikazgomba kurazga ku msumba wa Rama na ku msumba wa linga wa Ture. Yikazgomba kurazga ku msumba wa Hosa ndipo yikaya kamalira ku nyanja. Yikaya kafika ku Mahalabu mu chigaŵa cha Akizibu,

³⁰ku Uma, Afeki, na ku Rehobu. Yose yikaŵa misumba 22 pamoza na vikaya vyawo.

³¹Misumba iyi na vikaya vyakhe ndivyo vikaŵa chiharo cha ŵa fuko la Ashere.

³²Mphenduzgo ya chinkhonde na chimoza yikawira ŵa fuko la Nafutali, kwakuyana na mbumba zawo.

³³Mphaka ya charu chawo yikafuma ku msumba wa Helefu, pa khuni likuru la musoro ku Zaananimu, kuporota Adami Nekebu na Yabineyele kuya kafika ku Lakumu ndipo yikaya kamalira ku mronga wa Yorodani.

³⁴Mphaka sono zikazgokera ku manjiliro gha dazi kurazga ku Azinoti Taboro ndipo yikiza kafumira ku msumba wa Hukoku. Yikiza kafika ku charu cha Zebuloni ku dera la ku mwera, charu cha Ashere ku manjiliro gha dazi, na charu cha Yuda ku mafumiro gha dazi kwa mronga wa Yorodani.

³⁵Misumba ya malinga yikaŵa Zidimu, Zere, Hamati, Rakati, Kinereti,

³⁶Adama, Rama, Hazoro,

³⁷Kedeshi, Edireyi, Eni Hazoro,

³⁸Yironi, Migidala Eli, Horemu, Beti Anati, na Beti Shemeshi. Yose yikaŵa misumba 19 pamoza na vikaya vyawo.

³⁹Misumba iyi na vikaya vyakhe ndivyo vikaŵa chiharo cha ŵa fuko la Nafutali kwakuyana mbumba zawo.

⁴⁰Mphenduzgo ya chinkhonde na chiŵiri yikachitika ndipo yikawira fuko la Dani kwakuyana na mbumba zawo.

⁴¹Charu icho chikaperekeka kuŵa chiharo chawo chikaŵa na misumba iyi: Zora, Eshitawolo, Iri Shemeshi,

⁴²Shaalabini, Ayaloni, Itila,

⁴³Eloni, Timuna, Ekuroni,

⁴⁴Eliteke, Gibetoni, Baalati,

⁴⁵Yehudi, Bene Beraki, Gati Rimoni,

⁴⁶Me Yarikoni na Rakoni na chigaŵa chakuthyana na Yopa.

⁴⁷Ŵa fuko la Dani wakati ŵapokeka charu chawo, ŵakaruta kuya karwa nkhondo na msumba wa Leshemu na kuwuthereska, ŵakakoma ŵanthu ŵakhe na kukhara mwenemumo. Msumba ura ŵakawuthya kuti Dani, zina ilo likaŵa la ŵawiskewokuru.

⁴⁸Misumba iyi na vikaya vyakhe ndivyo vikaŵa chiharo cha ŵa fuko la Dani.

⁴⁹Ŵakati ŵamara kugaŵa charu chose chira kuŵa chiharo chawo, ŵaIsraele ŵakapereka kwa Yoshuwa, mwana wa Nuni charu mukati mwawo kuŵa chiharo chakhe.

⁵⁰Nga ndi umo FUMU yikalangulira, ŵakamupa msumba uwo wakawukhumba weneuwo ukaŵa Timunati Sera mu charu cha mapiri cha Efurayimu. Wakawuzengaso msumba na kukhara mwenemumo.

⁵¹Agha ndigho malo agho musofi Eleyazara, Yoshuwa mwana wa Nuni, na ŵarara ŵa mafuko ghawo ŵa ŵaIsraele ŵakagaŵira pakuchita mphenduzgo ku Shilo panthazi pa FUMU pa muryango wa Chihema Chakukumaniranamo uwo ŵanthu ŵakawunganapo. Ntheura ŵakamara kugaŵa charu.