Read new_tumbuka_bible Yoshuwa 5 Bible Online

Yoshuwa 5 - new_tumbuka_bible bible

Yoshuwa 5

¹Para ŵakaronga wose ŵa ŵaAmori awo ŵakaŵa ku sirya linyakhe la mronga wa Yorodani ku manjiliro gha dazi, na ŵakaronga wose ŵa ŵaKanani awo ŵakaŵa mu mphepete mwa nyanja, ŵakati ŵapulika umo FUMU yikomizgira maji ya Yorodani panthazi pa ŵaIsraele mpaka ŵakambuka wose, mitima yawo yikasongonoka, ndipo ŵakaŵaso na nkhongono chara chifukwa cha ŵaIsraele.

²Pa nyengo yira FUMU yikati kwa Yoshuwa, “Fura vimayi vya sangalawe ndipo uŵakotore ŵaIsraele kachiŵiri.”

³Ntheura Yoshuwa wakafura vimayi vya sangalawe, ndipo wakaŵakotora ŵaIsraele pa Phiri la Gibeyati Haaraloti[1]

⁴Chifukwa icho Yoshuwa wakakotorera ŵanthu ndi ichi: ŵanarume wose awo ŵakafuma ku Eguputo, na wose awo ŵakaŵa ŵakurwa nkhondo ŵakafwira mu nthowa mu mapopa ŵati ŵafuma mu Eguputo.

⁵Nangauli ŵanthu wose awo ŵakaŵa ŵakukotoreka, kweni ŵanandi awo ŵakababiwira mu nthowa, mu mapopa ŵakaŵa, ŵati ŵafuma mu Eguputo, ŵakaŵa ŵambula kukotoreka.

⁶Pakuti ŵaIsraele ŵakenda virimika 40 mu mapopa ŵakasuka ŵanthu wose awo ŵakarwanga nkhondo para ŵakafumanga mu Eguputo, ŵakafwa chifukwa ŵakapulikira FUMU chara. FUMU yikarapa kwa iwo kuti ŵati ŵawone charu cha mkaka na uchi chara, icho FUMU yikapangana ku ŵasekuru ŵawo kuti yamkutipa ise.

⁷Ntheura ŵakaŵa ŵana ŵawo awo FUMU yikaŵawuska mu malo mwawo. Ndipo ŵeneaŵa ŵakaŵa awo Yoshuwa wakaŵakotora. Iwo kuti ŵakaŵa ŵakukotoreka chara chifukwa mu mapopa kuti ŵakakotoreka chara.

⁸Para fuko lose likamara kukotoreka, ŵakakhara pa malo gheneghara mpaka vilonda vikapora.

⁹Penepapo FUMU yikati kwa Yoshuwa, “Muhanya uno ndawuskapo kwa imwe kulengeskeka uko ŵaEguputo ŵakamuchitirani.” Sono zina la malo likuchemeka kuti Giligala mpaka muhanya uno.

¹⁰Apo ŵaIsraele ŵakaŵa ŵachali kukhara mu misasa yawo ku Giligala, ŵakachita chiphikiro cha Paska pa zuŵa la 14 la mu mwezi ku nyengo ya na mise, mu vidika vya Yeriko.

¹¹Ndipo na machero ghakhe chati chajumpha chiphikiro cha Paska, ŵakarya chakurya chakulimika mu charu chenechira: vingwa vipapati vyambula chirungo na tirigu wakukazinga.

¹²Mana ghakareka kuwa zuŵa leneilo, apo ŵakati ŵarya vyakurya vyakulimika mu charu chira. ŴaIsraele ŵakaŵaso nagho chara kweni kufuma nyengo yira ŵakarya vuna yakulimika ku Kanani.

¹³Para Yoshuwa wakaŵa pafupi na msumba wa Yeriko, wakalaŵiska ndipo wakawona munthu wimilira panthazi pakhe, wakorera lupanga mu woko lakhe. Yoshuwa wakaruta kwa iyo ndipo wakati, “Kasi iwe uli yumoza wa ise panji uli murwani withu?”

¹⁴Munthu yura wakazgora wakati, “Chara.” Ine ndiza nga ndi murongozgi wa ŵasilikari ŵa FUMU. Penepapo Yoshuwa wakaŵa pasi kavunama na kusopa, ndipo wakafumba wakati, “Kasi sekuru wane wali na uthenga uli kwa muteŵeti wakhe?”

¹⁵Murongozgi wa ŵasilikari ŵa FUMU yura wakazgora wakati, “Vura skapato zako ku malundi, pakuti malo agho wimilirapo ngakupatulika.” Penepapo Yoshuwa wakachita ntheura.