Read new_tumbuka_bible 2 ŴaTesalonika 1 Bible Online

2 ŴaTesalonika 1 - new_tumbuka_bible bible

2 ŴaTesalonika 1

¹Kufuma kwa ine Paulosi, pamoza na Silivano na Timote. Ku mpingo wa Chiuta wa mu Tesalonika, mwa Chiuta Ŵadada, na Fumu Yesu Khristu.

²Uchizi na mutende vyakufumira kwa Chiuta Dada na kwa Fumu Yesu Khristu viŵenge namwe.

³Mwa ŵabali, tikwenera kumuwonga Chiuta mazuŵa ghose chifukwa cha imwe nga ndi umo kuli kwenerera, chifukwa chipulikano chinu chikukulirakulira chomene ndiposo kutemwana kwa waliyose wa imwe ku yumoza na munyakhe kukukulirakulira.

⁴Ntheura ise nase tikuthumbwira mwa imwe mwa ŵa mipingo ya Chiuta chifukwa chakulimbikira kwinu na chipulikano chinu mukati mu kuzikizgika na mu visuzgo vyinu ivyo mukuzizipizga.

⁵Uwu ndi ukaboni kuti weruzgi wa Chiuta ngwa kunyoroka, mwakuti mupimike kuŵa ŵakwenerera mu Ufumu wa Chiuta weneuwo sono mukukomwerapo.

⁶Pakuti Chiuta ndi murunji ndipo wizamkulanga na visuzgo hebawo ŵakumusuzgani.

⁷Ndipo imwe mukusuzgika sono, wati wamupumuzgani pamoza na ise. Wizamkuchita ivi ndi Fumu yithu Yesu para wamukwiza kufuma kuchanya pamoza na ŵangelo ŵakhe ŵankhongono,

⁸mu dimi la moto kwiza kalanga awo ŵalije kumanya Chiuta, na awo ŵakureka kupulikira Uthenga Uweme wa Fumu yithu Yesu.

⁹Ŵamkusuzgika na chilango cha pharaniko la muyirayira, ndipo ŵamkuchimbizgikapo panthazi pa Fumu ndiposo na pa uchindami wa nkhongono zakhe.

¹⁰Para Fumu yamkwiza, yamkuchindikika na ŵanthu ŵakhe na kurumbika na wose awo ŵakupulikana nayo. Imwe namwe mwamkuŵa pamoza nawo pakuti mukapulikana na Uthenga Uweme uwo tikamuphalirani.

¹¹Pa chifukwa ichi tikumuromberani mazuŵa ghose, kuti Chiuta wamupimani kuŵa ŵakwenerera kuchemeka kwinu ndipo wafiske khumbo lose liweme na mlimo wa chipulikano mu nkhongono zakhe.

¹²Mwakuti zina la Fumu yithu Yesu lichindikike mwa imwe, imwe namwe muchindikike mwa iyo, kwakuyana na uchizi wa Chiuta withu na wa Fumu yithu Yesu Khristu.