Read new_tumbuka_bible Tito 1 Bible Online

Tito 1 - new_tumbuka_bible bible

Tito 1

¹Kufuma kwa ine Paulosi, muteŵeti wa Chiuta na wakutumika wa Yesu Khristu. Wakutumika pa chifukwa cha kurutirizga chipulikano cha ŵakusoreka ŵa Chiuta na umanyi wa unenesko, ivyo kwakuyana na usopisopi,

²vili kwima pa chigomezgo cha umoyo wa muyirayira uwo Chiuta, uyo wakutetapo chara, wakapangana kale chomene.

³Ndipo Chiuta pa nyengo yakwenerera wali kuwoneka mu mazgu ghakhe kwizira mu upharazgi weneuwo ndili kukorezgeka na languro la Chiuta Muponoski withu.

⁴Kwa Tito, mwana wane mwenemwene mu chipulikano cheneicho tikusanganamo. Uchizi na mutende vyakufuma kwa Chiuta Dada na Khristu Yesu Muponoski withu viŵenge na iwe.

⁵Ichi ndicho chifukwa nkhakurekera ku Kerete kuti unozge vyose ivyo vikaŵa vyakubudika ndiposo kuti wimike ŵarara ŵa mpingo mu muzi uliwose nga ndi umo nkhakurongozgera.

⁶Murara wa mpingo wakwenera kuŵa munthu wambula kalema, wakwenera kuŵa mwanarume wa mwanakazi yumoza pera. Ŵana ŵakhe ŵaŵe ŵakupulikana mwa Yesu ndiposo ŵareke kuŵa ŵa lumbiri luheni panji ŵambula kweruzgika.

⁷Uyo ndi mulaŵiliri, pakuŵa mulinda wa nchito ya Chiuta, wakwenera kuŵa munthu wambula kalema. Wareke kuŵa munthu wakujitukumura, wambembe panji wakukaripa luŵiro, panji mloŵevu, panji wa viwawa panjiso wakutemwa ndarama

⁸Kweni waŵe wakupokerera ŵalendo, wakutemwa uweme, wakujisunga, murunji, mutuŵa na wakujikora.

⁹Waŵenge munthu wakukoreska mazgu gha unenesko, nga ndi umo ghakusambizgikira mwakuti wamanye kuchiska ŵanyakhe na kusambizga kwa unenesko, na kuŵatonda awo ŵakususkana nagho.

¹⁰Pakuti ŵaliko ŵanthu ŵanandi ŵambula kweruzgika, chomenechomene ŵakuyowoya vya wakawaka ndipo mbapusikizgi, kufuma ku ŵakukotoreka.

¹¹Ŵakwenera kuchetamiskika chifukwa ŵakutimbanizga mbumba za msuma pakusambizga chifukwa cha chandulo chiheni icho ŵalije mazaza ghakuti ŵasambizge.

¹²Yumoza wa nchimi zawo na zawo wakati, “ŴaKerete mbatesi nyengo zose, vikoko vyakubendera, ŵaryezi ŵakata.”

¹³Ukaboni uwu ngwa unenesko. Ntheura ukwenera kuŵachenya chomene kuti ŵaŵe na chipulikano chenecho,

¹⁴mu malo gha kutegherezga ku vidokoni vya chiYuda na ku malangulo gha ŵanthu awo ŵakana unenesko.

¹⁵Ku awo mbakuphotoreka, vinthu vyose nvyakuphotoreka. Kweni ku awo mbakukazuzgika na ŵambula kupulikana, palije kanthu ako nkhakuphotoreka. Maghanoghano ghawo na njuŵi zawo nvyakukazuzgika.

¹⁶Ŵakuzomera kuti ŵakumumanya Chiuta, kweni ŵakumukana mu vyakuchita vyawo. Mbakutinkhika, mbambula kupulikira, ndipo ŵalije kwenerera kuchita kanthu kaweme.