Read new_tumbuka_bible 1 Samuele 31 Bible Online

1 Samuele 31 - new_tumbuka_bible bible

1 Samuele 31

¹ŴaFilisiti ŵakarwa nkhondo na ŵaIsraele pa Phiri la Gilibowa, ndipo ŵaIsraele ŵanandi ŵakakomeka, kweni ŵanji ŵa iwo ŵakachimbira.

²ŴaFilisiti ŵakarondezga Sauli na ŵana ŵakhe ndipo ŵakati ŵaŵasanga, ŵakakomapo ŵana ŵatatu ŵa Sauli: Yonatani, Abinadabu na Maliki Shuwa.

³Nkhondo yikamufinyirizga Sauli ndipo para ŵamauta ŵakamusanga, ŵakamulasa na kumupweteka chomene.

⁴Penepapo Sauli wakayowoya kwa uyo wakayeghanga mahomwa ghakhe wakati, “Sorora lupanga lwako undigwaze nalo, mzire ŵaFilisiti ŵambula kukotoreka aŵa ŵize ndipo ŵandigwaze na kundiseka.” Kweni uyo wakayeghanga mahomwa ghakhe wakakana pakuti wakopanga chomene. Ntheura Sauli wakatora lupanga lwakhe na kuwirapo.

⁵Wakuyegha mahomwa ghakhe wakati wakawona kuti Sauli wafwa, nayoso wakawa pa lupanga lwakhe na kufwa.

⁶Ntheura ndimo Sauli na ŵana ŵakhe ŵatatu ŵara pamoza na uyo wakayeghanga mahomwa ghakhe, ndiposo na ŵasilikari ŵakhe wose ŵakafwira zuŵa lenelira.

⁷ŴaIsraele awo ŵakaŵa ku sirya linyakhe la dambo na awo ŵakaŵa ku sirya linyakhe la mronga wa Yorodani, ŵakati ŵapulika kuti ŵasilikari ŵa ŵaIsraele ŵachimbira ndipo Sauli na ŵana ŵakhe ŵafwa, ŵakareka misumba yawo na kuchimbira. Sono ŵaFilisiti ŵara ŵakiza na kukhara mwenemumo.

⁸Na machero ghakhe, para ŵaFilisiti ŵakiza kuti ŵavure vyakuvwara vya ŵasilikari ŵa ŵaIsraele awo ŵakakomeka, ŵakasanga kuti Sauli na ŵana ŵakhe ŵatatu ŵafwa pa Phiri la Gilibowa.

⁹Ŵakamudumula mutu Sauli na kuvura mahomwa ghakhe gha nkhondo. Pamanyuma ŵakatuma nthumi kuti zirute mu charu chose cha ŵaFilisiti kuya kaphara uthenga uweme uwu ku ŵachiuta ngoza ŵawo ndiposo na ku ŵanthu.

¹⁰Mahomwa ghakhe ŵakaya kaŵika mu nyumba ya chiuta ngoza wawo Ashitaroti ndipo chitanda chakhe ŵakakhomerera pa chiliŵa cha msumba wa Beti Shani.

¹¹Para ŵanthu ŵa ku Yabeshi Gileyadi wakapulika icho ŵaFilisiti ŵakachita kwa Sauli,

¹²vinkhara vyose vikawuka na kwenda usiku wose kuya kawuskapo chitanda cha Sauli na vitanda vya ŵana ŵakhe pa chiliŵa cha msumba wa Beti Shani. Ndipo ŵakiza navyo ku msumba wa Yabeshi na kuvyochera kwenekura.

¹³Ŵakatora viwangwa vyawo na kuvijimira musi mwa khuni la mtaŵa mu msumba Yabeshi, ndipo ŵakaziŵizga kurya mazuŵa ghankhonde na ghaŵiri.