Read new_tumbuka_bible 1 Samuele 7 Bible Online

1 Samuele 7 - new_tumbuka_bible bible

1 Samuele 7

¹Penepapo ŵanthu ŵa ku msumba wa Kiriyati Yeyarimu ŵakiza ndipo ŵakatora Bokosi la Phangano la FUMU lira. Iwo wakalitorera ku nyumba ya Abinadabu iyo yikaŵa pa phiri. Ntheura Eleyazara mwana wakhe ŵakamupatula kuti wasungenge Bokosi Phangano la FUMU.

²Bokosi la Phangano la FUMU likaŵa ku Kiriyati Yeyarimu pa nyengo yitali kwakuyana na virimika 20. Pa nyengo yose iyi ŵaIsraele wose wakalira kwa FUMU kuti yiŵawovwire.

³Ntheura Samuele wakati ku ŵaIsraele wose, “Usange mukuwerera kwa FUMU na mtima winu wose, ipo mufumyemo ŵachiuta ŵalendo ndiposo na chiuta Ashitaroti na kujipereka kwa FUMU pakuteŵetera iyo pera. Usange mwachita ntheura, FUMU yiti yimuthaskani kufuma ku ŵaFilisiti.”

⁴Penepapo ŵaIsraele wakafumyamo ŵachiuta Baala na ŵachiuta Ashitaroti ndipo wakaŵateŵetera FUMU pera.

⁵Sono Samuele wakati, “Muŵawunganye ŵaIsraele wose mu msumba wa Mizipa ndipo ine nditi ndimuŵeyerani kwa FUMU.”

⁶Para ŵanthu ŵakawungana ku msumba wa Mizipa, ŵakanegha maji ndipo ŵakaghathira panthazi pa FUMU kuŵa nga chawanangwa. Pa zuŵa lenelira, ŵakaziŵizga kurya na kuzomera zakwananga zawo pakuyowoya kuti, “Tanangira FUMU.” Samuele ndiyo wakaŵa mweruzgi wa ŵaIsraele ku msumba wa Mizipa.

⁷Para ŵaFilisiti ŵakapulika kuti ŵaIsraele ŵawungana ku Mizipa, ŵakaronga ŵankhonde ŵa ŵaFilisiti ŵara ŵakiza kuti ŵarwe nkhondo na ŵaIsraele. Para ŵaIsraele ŵakapulika, wakopa chomene ŵaFilisiti.

⁸ŴaIsraele ŵakati kwa Samuele, “Ungarekanga kutirombera kwa FUMU, Chiuta withu mwakuti watithaske ku ŵaFilisiti.”

⁹Ntheura Samuele wakatora mwana-mberere uyo wakonkhanga na kumupereka wa msuma nga ndi sembe yakocha kwa FUMU. Pamanyuma wakaŵarombera ŵaIsraele kwa FUMU ndipo FUMU yikamuzgora.

¹⁰Apo Samuele wakaŵa wachali kocha sembe, ŵaFilisiti ŵakafika pafupi, kuti ŵarwe nkhondo na ŵaIsraele, kweni pa zuŵa lira FUMU yikadudumira chomene kufuma kuchanya nga ndi leza kududumulira ŵaFilisiti. Ndipo ŵaFilisiti ŵakatimbanizgika mwakuti ŵakachimbizgika na ŵaIsraele.

¹¹Penepapo ŵaIsraele ŵakafuma mu msumba wa Mizipa na kuŵachimbilira ŵaFilisiti mpaka ŵakaya kafika ku Beti Kara uku wakuŵakomera mu nthowa.

¹²Ntheura Samuele wakatora libwe na kuliyimika pakati pa Mizipa na Sheni. Wakalithya libwe lira kuti Ebenezara icho chikung'anamula kuti, “FUMU yaŵa yakutovwira ise mpaka sono.”

¹³Ntheura ŵaFilisiti ŵakathereskeka ndipo kuti ŵakizaso mu charu cha Israele kuti ŵarwe nkhondo chara. FUMU ndiyo yikovwiranga ŵaIsraele kuti ŵathereske ŵaFilisiti nyengo yose ya Samuele.

¹⁴Misumba iyo ŵaFilisiti wakapoka ku ŵaIsraele yikawezgekeraso ku Israele kufuma ku Ekuroni mpaka ku Gati. Ndipo ŵaIsraele wakatoraso charu chawo kufuma mu mawoko gha ŵaFilisiti. Pakaŵaso mutende pakati pa ŵaIsraele na ŵaAmori.

¹⁵Samuele wakaŵa mweruzgi wa Israele pa umoyo wakhe wose.

¹⁶Chirimika chilichose Samuele wakarutanga kuzingiliranga ku Betele, Giligala na Mizipa uko wakateŵeterenga FUMU nga ndi mweruzgi wa Israele.

¹⁷Kweni wakawereranga ku Rama uko kukaŵa nyumba yakhe ndipo kwenekura wakaŵaso mweruzgi wa Israele. Ndipo ku Rama kwenekura wakazengaso jochero la FUMU.