Read Ngaju GENESIS 36 Bible Online

GENESIS 36 - Ngaju bible

GENESIS 36

¹Toh turonan Esau je inyewut kea Edom.

² Esau kawin dengan telo bawin oloh Kanaan, iete: Ada, anak Elon oloh Het; Oholibama; anak Ana tuntang eson Sibeon[86] oloh Hewi;

³ Basmat, anak Ismael andi Nebayot.

⁴Ada manak Elipas, Basmat manak Rehuel.

⁵Oholibama manak Yeus, Yaelam tuntang Korah. Uras anak te inakan intu tanah Kanaan.

⁶Limbah te Esau malihi Yakob haguet akan lewu beken mimbit kakare sawae, anake tuntang uras oloh je aton intu humae. Imbite kea kare meto tuntang ramo je jari dinoe hong Kanaan.

⁷Esau hapisah dengan Yakob tagal panatau ewen paham are sampai ewen dia tau belom hinje. Tinai intu lewu je ielai ewen te jaton sukop panginan akan meton ewen je are toto te.

⁸Te Esau je inyewut kea arae Edom manetep intu tanah bukit Seir.

⁹Toh turonan Esau, tato hiang oloh Edom.

¹⁰Sawan Esau je ara Ada manak ije biti anak hatue, arae Elipas. Elipas aton lime anake hatue, iete: Téman, Umar, Sepo, Gaetam tuntang Kenas. Elipas aton bara gundik je arae Timna. Ie manak anak hatue je arae Amalek. Sawan Esau je arae Basmat manak ije biti anak hatue je arae Rehuel. Rehuel aton epat anake hatue, iete: Nahat, Serah, Sama, tuntang Misa.

¹⁴Sawan Esau je arae Oholibama, iete anak Ana tuntang eson Sibeon,[87] manak telo anak hatue iete: Yeus, Yelam tuntang Korah.

¹⁵Jetoh pamimpin kare suku turonan Esau: Elipas, anak bakas ain kare suku je inyewut hong penda toh: Téman, Omar, Sepo, Kenas,

¹⁶Gaetam tuntang Amalek. Ewen te samandiai turonan Ada, sawan Esau.

¹⁷Rehuel anak Esau, jete tato hiang kare suku je inyewut hong penda toh: Nahat, Serah, Sama tuntang Misa. Uras kare ewen te turonan Basmat, sawan Esau.

¹⁸Kare suku toh iete turonan Esau bara sawae je arae Oholibama anak Ana, iete: Yeus, Yaelam tuntang Korah.

¹⁹Uras suku te turonan Esau.

²⁰Oloh asal tanah Edom imbagi jadi kare suku turonan Seir, oloh Hori. Kare suku te iete: Lotan, Sobal, Sibeon, Ana, Dison, Eser tuntang Disan.

²²Lotan iete tato hiang jalahan Hori tuntang Hemon. (Lotan aton paharie bawi, iete Timna).

²³Sobal iete tato hiang jalahan: Alwan, Mahanat, Ebol, Sepo, tuntang Onam.

²⁴Sibeon aton anake due hatue, iete Aya tuntang Ana. (Ana toh je sondau kare kalindanum danum balasot intu padang pasir, metoh ie kanjerae manyakatik kare kalidai bapae).

²⁵Ana iete bapa Dison, tuntang Dison tato hiang jalahan: Hemdan, Esban, Yitran, Keran. Ana kea aton anake je bawi, arae Oholibama.

²⁷Eser tato hiang jalahan: Bilhan, Saawan, tuntang Akan.

²⁸Disan tato hiang marga Us tuntang Aran.

²⁹Toh kare suku Hori intu lewu Edom: Lotan, Sobal, Sibeon, Ana, Dison, Eser tuntang Disan.

³¹Helo bara raja je marentah intu Israel, mije-mije kare raja toh jari marentah intu tanah Edom hatuntut: Bela anak Beor bara Dinhaba. Yohab anak Sera bara Bosra. Husam bara tanah Téman. Hada anak Bedad bara Awit (iete je mampakalah oloh Midian hong parang intu tanah Moab). Samla bara Masreka. Saul bara Rehobot intu saran sungei. Baal-Hanan anak Akbor. Hadar bara Pahu (sawae arae Mehetabeel, anak Matred tuntang eson Mesahab).

⁴⁰Esau tato hiang kare suku Edom iete: Timna, Alwa, Yetet, Oholibama, Ela, Pinon, Kenas, Téman, Mibsar, Magdiel tuntang Iram. Aran genep suku jadi aran ekae melai.