Read Ngaju 2 SAMUEL 23 Bible Online

2 SAMUEL 23 - Ngaju bible

2 SAMUEL 23

¹Dawid anak Isai intih jadi raja tuntang iawi jadi oloh hai awi Hatallan Yakob. Ie kea je mangarang kare nyanyi akan Israel. Jetoh auh Dawid je pangkahapuse:

²Roh TUHAN jari hamauh mahalau aku; peteh tuntang atoh Aie aton hong totok biwihku.

³Hatallan Yakob jari hakotak; dengangku pangalindong Israel hamauh: “Raja je marentah rayat dengan adil je mamimpin dengan kaketep intu TUHAN;

⁴Ie sama kilau kalawan matanandau lembut hong andau sawah katika langit balawa. Ie kalawan matanandau limbah ujan mawi oru bahijau bahalap malinyau.”

⁵Kalote kea turonangku imberkat Hatalla, janjin Ayue dengangku dia hobah, janjin Ayue te katatahie tuntang tinduh barasih, iator huang kare taloh handiai Hatalla manjamin kamanangku tuntang manarima kare kanahuang ateiku.

⁶Tapi oloh je dia manumon auh TUHAN sama kilau duhi je injakah. Lengen oloh dia tau mimbinge;

⁷jaton ije oloh je maku manigonge amon dia mahapan pakakas bara kayu atawa sanaman. Kare oloh te binasa kinan apui.[59]

⁸Jetoh kare aran pangkalima ain Dawid je basewut: Je solake iete Ishbaal, oloh Hakhmoni, pamimpin “Telo Pangkalima”[60] Puji intu ije parang ie malawan hanya ratus biti tuntang mampatei ewen urase hapan lunjue.[61]

⁹Oloh kadue huang “Telo Pangkalima” te iete Eleasar anak Dodo bara jalahan Ahohi. Ie mampahayak Dawid metoh ewen manaharep oloh Pilistin je jari hapumpong uka parang. Palus metoh pasukan Israel mundur,

¹⁰Eleasar tetep batahan mampalomos oloh Pilistin sampai ie heka toto. Lengee kejer sampai ie dia tau malekak padange. Andau te TUHAN manenga kamanang je hai akan Israel. Pasukan Israel je undur nah haluli akan eka Eleasar batampur. Ewen mengkak baju parang bara kare hantu intu hete.

¹¹Oloh je kateloe huang “Telo Pangkalima” te iete Sama anak Age bara Harari. Puji katika oloh Pilistin hapumpong intu Lehi, intu ije tana je kontep awi saretak bahandang, pasukan Israel hadari bara oloh Pilistin.

¹²Tapi Sama tetep batampur, mampatei tuntang mampakalah oloh Pilistin sampai olih manguasa tana te. Kalote ampie TUHAN menenga kamanang je hai.

¹³Hong andau je beken tokep wayah getem,[62] telo biti bara 30 pangkalima Dawid, je basewut mohon akan Goha Adulam. Katika te Dawid aton intu benteng hong goha te. Oloh Pilistin mampendeng kemah intu Janah Repaim, tuntang ije pasukan ain ewen manguasa Betlehem.

¹⁵Dawid taharu dengan lewu humae te tuntang hamauh, “O, jaka aku impihop hapan danum bara kalin danum je tokep lawang hong Betlehem!”

¹⁶Mahining jete, telo biti pangkalima te tame akan eka kare kemah oloh Pilistin, palus manduan danum bara kalin danum te, limbah te imbite akan Dawid. Tapi Dawid dia maku mihope, ie manusohe haream indu parapah akan TUHAN.

¹⁷Ie hamauh, “O, TUHAN, aku dia tau mihop danum toh! Amon aku mihope sama kilau aku mihop dahan kare oloh je jari manenga hambaruan ewen!” Dawid dia samasinde mihop danum te. Jete kare jasa telo biti oloh menteng te.

¹⁸Telo Puluh Pangkalima je basewut te inyewut kea “Telo Puluh Pangkalima”.[63] Ewen imimpin awi Abisai andi Yoab, anak Seruya. Puji ie mampatei telo ratus biti hapan lunjue. Awi te ie basewut. Tapi ie dia sama kilau katamam “Telo Pangkalima”.

²⁰Ije biti pangkalima basewut je beken iete Benaya anak Yoyada oloh Kabseel. Ie paham bahanyi. Due biti pahlawan hai bara Moab jari impateie. Puji metoh andau basalju, ie tame akan huang ije rumbak, palus mampatei ije kongan singa intu hete.

²¹Puji kea ie mampatei ije biti oloh Misir, ie gagah basanjata lunju. Benaya manaharepe baya hapan tongkeh. Lunju je aton hong lengen oloh Misir te irabute palus hapae akan mampatei oloh te.

²²Jete kare jasa ain Benaya, ije bara “Telo Puluh Pangkalima”.[64]

²³Hong kalompok te Benaya je basewut tapi ie dia sama kilau katamam “Telo Pangkalima”. Dawid mangkat ie jadi pamimpin pangawal pribadie.

²⁴Kare anggota je beken bara “Telo Puluh Pangkalima” iete Asael andi Yoab Elhanan anak Dodo oloh Betlehem Sama tuntang Elika oloh Harod Heles oloh Palti Ira anak Ikes oloh Tekoa Abieser oloh Anatot Mebunai oloh Husa Salmon oloh Ahohi Maharai oloh Netopa Heleb anak Baana oloh Netopa Itai anak Ribai oloh Gibea intu wilayah suku Banyamin Benaya oloh Piraton Hidai oloh bara kare janah Gaas Abialbon oloh Araba Asmawet oloh Bahurim Elyahba oloh Saalbon Kare anak Yasen Yonatan Sama oloh Harari Ahiam anak Sarar oloh Harari Elipelet anak Ahasbai oloh Maakha Eliam anak Ahitopel oloh Gilo Hesrai oloh Karmel Paerai oloh Arbi Yigal anak Natan oloh Soba Bani oloh Gad Selek oloh Amon Naharai oloh Beerot, pamikul sanjata Yoab Ira tuntang Gareb oloh Yetri Uria oloh Het Samandiaie telo puluh uju biti tantara(...)