Read Ngaju 2 SAMUEL 8 Bible Online

2 SAMUEL 8 - Ngaju bible

2 SAMUEL 8

¹Pire-pire katahie Raja Dawid manyarang oloh Pilistin tinai. Ie mampakalah ewen tuntang marabut petak ewen.[19]

²Dawid kea mampakalah oloh Moab. Inyohoe ewen menter intu petak, palus impateie due biti hong genep telo biti. Jadi, oloh Moab mamenda Dawid tuntang mambayar pajak akae.

³Limbah te Dawid mampakalah raja Hadadeser anak Rehob je marentah intu Soba, tanah Siria; metoh te Hadadeser hong pangguete handak mahalalian kuasae akan tanah tokep hila ngaju Sungei Euprat.

⁴Dawid manawan 1.700 biti tantara bakuda tuntang 20.000 biti tantara mananjong. Ie mampalemo uras kare kuda, kacuali belahe, sukup akan saratus kareta parang.

⁵Oloh Siria bara Damaskus mangirim tantara hapa mandohop Raja Hadadeser. Tapi Dawid mampakalah ewen tuntang mampatei 22.000 biti bara ewen.

⁶Limbah te Dawid mampendeng kare eka kemah tantara huang[20] tanah ewen; ewen mamenda hayak mambayar pajak akae. TUHAN manenga kamanang akan Dawid hong kueh bewei ie baparang.

⁷Kare talawang amas je ihapan awi tantara Hadadeser irabut awi Dawid tuntang imbit akan Yerusalem.

⁸Beken bara te Dawid kea manduan tambaga are toto bara Betah tuntang Berotai, kare lewu je bihin inguasa awi Hadadeser.

⁹Raja Tou bara Hamat mahining je Dawid jari mampakalah hapus tantara Hadadeser.

¹⁰Ie manyoho Yoram anake hatue uka manyampai tabe akan Raja Dawid tuntang mansanan salamat tagal kamanang te, awi Hadadeser jari kinjap baparang dengan Tou. Yoram dumah manalih Dawid hayak manenga are panenga bara amas, perak tuntang tambaga.

¹¹Raja Dawid manenga kare hadiah te akan TUHAN akan ihapan huang upacara sombayang. Kalote kea dengan perak tuntang amas je induae bara kare bangsa je impakalahe,

¹²iete Edom, Moab, Amon, Pilistin tuntang Amalek, tinai taloh rampas bara Hadadeser.

¹³ Aran Dawid jadi labih basewut hindai metoh ie haluli limbah mampatei 18.000 oloh Edom intu Janah Uyah.

¹⁴Ie mampendeng kare eka kemah tentara hong[21] hapus Edom, tuntang kare oloh Edom te mamenda ie. TUHAN manenga kamanang akan Dawid hong kueh bewei ie baparang.

¹⁵Kalote Dawid marentah hapus Israel tuntang mahaga uka rayate harajur iawi dengan adil tuntang bahalap.

¹⁶Jetoh ie kare pejabat gantong je iangkat awi Dawid: Pangkalima angkatan bersenjata: Yoab anak Seruya; Sekretaris Istana: Yosapat anak Ahilud; Kare Imam: Sadok anak Ahitub, tuntang Ahimelekh anak Abyatar; Sekretaris karajaan: Seraya

¹⁸Pamimpin[22] pangawal pribadi raja: Benaya anak Yoyada; Kare Imam intu Istana: kare anak Dawid.