Read Ngaju 1 RAJA-RAJA 4 Bible Online

1 RAJA-RAJA 4 - Ngaju bible

1 RAJA-RAJA 4

¹Salomo jadi raja akan hapus tanah Israel.

²Jetoh kare pajabat gantong ain karajaan je iangkat awi Salomo: Kare imam: Sadok, Asarya anak Sadok, Abyatar Sekretaris karajaan: Elihorep tuntang Ahia kare anak Sisia Bendahara karajaan: Yosapat anak Ahilud Pangkalima parang karajaan: Benaya, anak Yoyada Pangawas kare bupati: Asarya, anak Natan Panasehat raja: Imam Sabud, anak Natan pamimpin rumah tangga istana: Ahisar pamimpin gawi paksa: Adoniram, anak Abda.

⁷Salomo mangkat duewalas bupati intu hapus tanah Israel. Gawin ewen iete mamumpong bara wilayah ewen kare ramon panginan akan raja tuntang hapus istanae, genep bupati bagilir mananggong kare taloh te akan katahin ije bulan genep nyelo.

⁸Duewalas bupati te ingapala awi ije biti gubernur. Jetoh kare aran bupati te tuntang wilayah je inguasa ewen: Ben-Hur: daerah pegunungan Epraim Ben-Deker: kota Makas, Saalbim, Bet-Semes, Elon, Bet-Hanan Ben-Hesed: kota Arubot, Sokho, tuntang hapus daerah Heper Ben-Abinadab, banan Tapat anak bawi ain Salomo: hapus daerah Dor Baana anak Ahilud: lewu Taanakh, Megido, tuntang hapus daerah tokep Bet-Sean, tokep lewu Sartan intu hila salatan lewu Yisreel sampai tikas lewu Abel-Mehola tuntang lewu Yokmeam Ben-Geber: lewu Ramot intu Gilead, kare lewu intu Gilead ain keluarga Yair turonan Manase, daerah Argob intu Basan; samandiaie aton 60 lewu hai je indehen hapan kota tuntang huit tambaga intu kare lawange Ahinadab anak Ido: daerah Mahanaim Ahimaas, banan Asmat anak bawi ain Salomo: daerah Naptali Baana anak Husai: daerah Aser, lewu Alot Yosapat anak Paruah: daerah Isaskar Simei anak Ela: daerah Benyamin Geber anak Uri: daerah Gilead, je solake inguasa awi (...)

²⁰Rayat Yuda tuntang Israel karee kilau baras intu saran tasik. Ewen aton sukup taloh kinan tuntang taloh ihop hayak belom sanang.

²¹ Genep keluargae aton kabon anggor tuntang kabon ara. Katahin pambelom Salomo, rayat intu hapus Yuda tuntang Israel bara Dan sampai Berseba belom sanang tuntang landang. Awi, uras raja intu hila barat Euprat mamenda ie. Hapus bangsa bara kare karajaan je tokep dengan karajaae hasobat dengae. Petak intu hila barat Sungei Euprat bara Tipsah intu saran Sungei Euprat palus akan barat akan kota Gasa hong Pilistin sampai akan saran tanah Misir, uras inguasa awi Salomo. Kare bangsa hong lewu te mamenda ie tuntang mambayar pajak. Kare ramon panginan je imerlu awi Salomo genep andau iete 5.000 liter tepong halus, 10.000 liter tepong kasar, 10 sapi je ingarambang, 20 puluh sapi padang, tuntang 100 tabiri. Beken bara te, bajang, karahau tuntang burong.

²⁶ Ain Salomo aton 12.000 tentara bakuda[4] tuntang 40.000 karambang akan kare kuda je manunda kare karetae.

²⁷Bagilir, katahin ije bulan, genep bupati manyarah ramon panginan akan Raja Salomo tuntang akan kakare oloh je mandino panginan bara istana, sampai ewen jaton bara katapas.

²⁸Genep bupati te manenga kea gandom tuntang tampilai akan kakare kuda ain Salomo, aloh kuda je inungkang atawa kuda kareta. Panginan meto te iimbit akan kare karambang kuda manumon kare je jari imatut.

²⁹Hatalla manenga akan Salomo kapintar tuntang kaharati je malabien, tuntang pangatawan je handalem toto.

³⁰Intu kare lewu hila timor tuntang intu Misir jaton oloh je labih pintar bara ie.

³¹ Ie toto-toto pangkapintare akan kare oloh handiai. Ie malabien bara Etan oloh Esrahi, Heman, Kalkol tuntang Darda kare anak Mahol. Aran Salomo basewut intu hete-hete hong kare lewu kaliling karajaae.

³² Aton 3.000 tanding sewut tuntang labih bara sakoyan nyanyi je ingarang awie.

³³Ie tau hakotak tahiu kare batang kayu tuntang taloh imbul — bara batang cemara Libanon sampai akan oru isop je lembut intu kare dinding batu. Ie hakotak kea tahiu kare meto, kilau meto je hapalapas, meto je manggayar tuntang lauk.

³⁴Kare raja hapus kalunen mahining tahiu kapintar Salomo, sampai ewen manyoho oloh uka manalih tuntang mahining auhe.