Read Ngaju 1 KRONIKA 11 Bible Online

1 KRONIKA 11 - Ngaju bible

1 KRONIKA 11

¹Uras pamimpin bangsa Israel dumah tanggoh Dawid intu Hebron tuntang hamauh, “Ikei toh kolan Raja.

²Bara bihin, bara metoh Saul marentah ikei haream, Raja ih je mamimpin tantara Israel sining katika ewen miar parang. Mahi-mahi tinai TUHAN, Hatallan Raja jari hajanji iete Raja toh mamimpin ungkup Ayue tuntang jadi rajan ewen.”

³Palus Dawid mawi janji dengan kare kapalan oloh Israel te. Ewen mangkat ie jadi raja Israel kilau je jari injanji TUHAN mahalau Samuel.

⁴ Sinde katika Raja Dawid dengan sahapus tantara Israel haguet manyarang lewu Yerusalem. Metoh te lewu te arae Yebus je ielai awi oloh Yebus je puna oloh asal intu hete.

⁵Kare oloh Yebus jari hamauh dengan Dawid, je ie dia baka olih tame lewun ewen te. Tapi Dawid olih marabut kota ain ewen je arae Sion. Metoh te Dawid jari mansanan akan oloh ayue iete oloh je solake mampatei ije biti oloh Yebus kareh jadi pangkalima. Awi Yoab je sola-solake manyarang oloh Yebus, ie iangkat jadi pamimpin pasukan parang. (Indu Yoab arae Seruya.) Limbah marabut kota Sion, Dawid melai intu hete. Jete bukue bara katika te kota te inyewut “Lewun Dawid”.

⁸Dawid mamangun haluli lewu te nampara intu eka je inimbok dengan petak intu hila timor bukit; limbah te pangun te inontong awi Yoab sampai hapus.

⁹Dawid sasar tahi sasar abas, awi TUHAN Pangkahai mandohop ie.

¹⁰Jetoh aran kare pangkalima ain Dawid je basewut. Haya-hayak dengan hapus rayat Israel ewen manggau jalan uka Dawid tau iangkat jadi raja kilau je jari injanji awi TUHAN. Ewen tetep mandohop ie metoh ie marentah.

¹¹Pangkalima je solake iete Yasobam oloh Hakmoni, ie mamimpin telo pejuang je inyewut “Triwira”. [21] Puji hong ije parang ie malawan 300 biti tuntang mampatei ewen urase dengan lunjue.

¹²Oloh kaduee hong telo pejuang iete Eleasar anak Dodo bara bangsa Ahohi.

¹³Hong parang intu Pas-Damim ie kalahi hong hila Dawid malawan oloh Pilistin. Metoh tantara Israel nampara hadari, ie tuntang oloh ayue manahan intu bentok ije tana gandom tuntang kalahi malawan kare oloh Pilistin te. Palus TUHAN manenga kamanang je hai akae.

¹⁵Sinde andau 3 biti bara 30 pangkalima ain Dawid je mambatang, haguet manyondau Dawid intu ije eka je hakota hong ije bukit batu tokep Goha Adulam. Metoh te oloh Pilistin mampendeng kemah intu Janah Repaim, tuntang ije pasukan bara ewen te manguasa Betlehem.

¹⁷Dawid taharu dengan petak danume te tuntang hamauh, “Jaka aku impihop bara kalin danum tokep lawang hong Betlehem.”

¹⁸Mahining auh te, telo pangkalima te manarajang kemah oloh Pilistin palus masip danum bara sumur te, balalu mimbite akan Dawid. Tapi Dawid dia maku mihope, inganae haream indu parapah akan TUHAN.

¹⁹Ie hamauh, “Tagal Hatalla, aku dia tau mihop danum toh! Amon aku mihope kila-kilau jaka aku mihop dahan oloh je jari bahanyi selang manganan tahasenge!” Awi te Dawid dia maku samasinde mihop danum te. Jete kare ampin kataun telo pangkalima je menteng te.

²⁰Telo puluh pangkalima je basewut te inyewut kea “Telo Puluh Pangkalima”. Ewen imimpin awi Abisai andi Yoab. Puji ie mampatei 300 biti dengan lunjue, awi te ie jadi basewut. Tapi katamame te dia olih manyama “Triwira” te.

²²Ije biti pangkalima basewut je beken iete Benaya anak Yoyada, oloh Kabseel. Ie paham bahanyi. Due oloh menteng hai bara Moab jari impateie. Puji hong ije andau metoh wayah salju ie tame akan ije rombak tuntang mampatei ije kongan singa intu hete.

²³Ie kea puji mampatei ije oloh Misir je hai bitie; kagantonge labih bara due meter. Oloh te mahapan lunju je paham hai, tapi Benaya manaharepe baya mahapan sukah. Lunju je aton intu lengen oloh Misir te irampas palus ihapae mampatei oloh te.

²⁴Jete kare gawin Benaya, ije bara “Telo Puluh Pangkalima”.

²⁵Huang baris jete, Benaya je pangkatamame, tapi katamame dia manyama “Triwira te”. Dawid mangkat ie jadi kapalan kare oloh je gawie manjaga raja.

²⁶Jetoh kare pangkalima je basewut: Asael andi Yoab Elhanan anak Dodo oloh Betlehem Samot oloh Harod Heles oloh Peloni Ira anak Ikes oloh Tekoa Abieser oloh Anatot Sibkhai oloh Husa Ilai oloh Ahohi Maharai oloh Netopa Heled anak Baana oloh Netopa Itai anak Ribai oloh Gibea hong tanah suku Benyamin Benaya oloh Piraton Hurai oloh kare janah Gaas Abiel oloh Araba Asmawet oloh Bahurim Elyahba oloh Saalbon Hasem oloh Gison Yonatan anak Sage oloh Harari Ahiam anak Sakhar oloh Harari Elipal anak Ur Heper oloh Mekherati Ahia oloh Peloni Hesrai oloh Karmel Naarai anak Esbai Yoël paharin Natan Mibhar anak Hagri Selek oloh Amon Naharai oloh Beerot, tukang meton sanjata Yoab Ira tuntang Gareb oloh Yetri Uria oloh Het Sabad anak Ahlai Adina anak Sisa (ije bara oloh hai hong suku Ruben je tempon pasukan 30 biti) Hanan anak Maakha Yosapat anak Mitni <pb/(...)