Read Ngaju 1 KRONIKA 27 Bible Online

1 KRONIKA 27 - Ngaju bible

1 KRONIKA 27

¹Urusan pamarentah ain karajaan Israel iator awi kare kapala keluarga, kare kapala jalahan tuntang kare pangkalima. Sining nyelo katahin ije bulan aton ije kalompok je bagawi hagilir je imimpin awi ije biti kapala. Genep kalompok 24.000 biti. Jetoh aran kare kapala kalompok je bagawi akan genep bulan: Bulan kaije: Yasobam anak Sabdiel (ie bara jalahan Peres suku Yuda). Bulan kadue: Dodai turonan Ahohi. Miklot iete wakile. Bulan katelo: Benaya anak Imam Yoyada; ie mangapala kalompok “Telo Puluh Pangkalima” (Amisabad anake iete wakile). Bulan kaepat: Asael paharin Yoab (panggantie iete Sebaya, anake). Bulan kalime: Samhut, turonan Yisrah. Bulan kajahawen: Ira anak Ikes, bara lewu Tekoa. Bulan kauju: Heles turonan Epraim bara lewu Peloni. Bulan kahanya: Sibkhai bara lewu Husa (ie bara jalahan Serah suku Yuda). Bulan kajalatien: Abieser bara lewu Anatot intu tanah suku Benyamin. Bulan kasapuluh: Maharai, turonan Serah bara lewu Netopa(...)

¹⁶Jetoh daptar aran pamimpin suku hong bangsa Israel: [Suku] — [Kapala] Ruben — Elieser anak Sikhri Simeon — Sepaka anak Maakha Lewi — Hasabya anak Kemuel Aron — Sadok Yuda — Elihu, paharin Raja Dawid Isaskhar — Omri anak Mikhael Sebulon — Yismaya anak Obaja Naptali — Yerimot anak Asriel Epraim — Hosea anak Asasa Manase je intu hila barat Sungei Yordan — Yoël anak Pedaya Manase je intu hila timor Sungei Yordan — Yido anak Sakaria Benyamin — Yoasiel anak Abner Dan — Asareel anak Yeroham

²³ Raja Dawid dia mawi sensus marak kare oloh je umure intu penda 20 nyelo, awi TUHAN jari hajanji handak mawi oloh Israel kilau bintang intu langit karee.

²⁴ Yoab anak Seruya jari nampara mawi sensus, tapi ie dia mampahapuse, awi Hatalla mahukum oloh Israel, tagal sensus te. Jete bukue jumlah ewen dia inyurat huang buku Raja Dawid.

²⁵Jetoh aran kare oloh je maharago ramo ayun raja: Kare gudang intu istana tuntang intu Yerusalem: Asmawet anak Adiel Kare gudang intu luar Yerusalem: Yonatan anak Usia Kare oloh je malan: Esri anak Kelub Kare kabon anggor: Simei bara lewu Rama Kare eka mingkes anggor: Sabdi bara lewu Sipmi Batang saitun tuntang batang ara (intu pain bukit hila barat): Baal Hanan bara lewu Gederi Kare eka mingkes minyak saitun: Yoas Meto intu Padang Saron: Sitrai bara lewu Saron Meto intu kare janah: Sapat anak Adlai Onta: Obil turonan Ismael Kalidai: Yehdeya bara lewu Meronot Tabiri tuntang kambing: Yasis, oloh Hagri.

³²Mama Raja Dawid je arae Yonatan, iete te ije biti panasehat je pintar tuntang gantong ajare. Ie tuntang Yehiel anak Hakhmoni inyarah gawi akan majar kare anak hatue ain raja.

³³Ahitopel iete panasehat raja, tuntang Husai oloh Arkhi iete panasehat tuntang sobat raja.

³⁴Limbah Ahitopel matei, ie ingganti awi Abyatar tuntang Yoyada anak Benaya. Pangkalima pasukan parang karajaan iete Yoab.