Read Ngaju 1 KRONIKA 4 Bible Online

1 KRONIKA 4 - Ngaju bible

1 KRONIKA 4

¹Jetoh belahe bara turonan Yuda: Peres, Hesron, Karmi, Hur tuntang Sobal.

²Sobal iete bapa Reaya, Reaya bapa Yahat. Ain Yahat aton due anak hatue: Ahumai tuntang Lahat. Ewen tato hiang oloh lewu Sora.

³Anak hatue bakas bara Kaleb dengan sawae je arae Eprat iete Hur. Turonan Hur iete je mamangun lewu Betlehem: Etam, Pnuel tuntang Eser iete kare anak Hur. Ain Etam aton telo anak hatue arae Yisreel, Isma tuntang Idbas, tuntang ije anak bawi arae Haselelponi. Pnuel mampendeng lewu Gedor tuntang Eser mampendeng lewu Husa.

⁵Ashur je mampendeng lewu Tekoa aton due sawae, iete Hela tuntang Naara.

⁶Dengan Naara ie mandino epat anak hatue: Ahusam, Heper, Temeni tuntang Ahastari.

⁷Dengan Hela Ashur mandino telo anak hatue, iete Seret, Yesohar tuntang Etnan.

⁸Anub tuntang Hasobeba iete kare anak hatuen Kos tato hiang bangsa turonan Aharhel anak Harum.

⁹Aton ije biti oloh hatue arae Yabes,[4] ie labih ihormat awi kare paharie. Ie inggare Yabes awi indue, karana indue paham kapehe metoh manak ie.

¹⁰Tapi Yabes balakudoa dengan Hatalla je inyembah awi oloh Israel, “O Hatalla keleh mamberkat aku tuntang mampalombah tanahku. Kalindong aku tuntang ngejau calaka mangat aku dia buah kapehe.” Tuntang Hatalla manarima auh lakue.

¹¹Kelub paharin Suha aton anak hatue ayue arae Mehir. Anak Mehir iete Eston,

¹²tuntang ain Eston aton telo anak hatue, iete Bet-Rapa, Paseah tuntang Tehima, je mampendeng lewu Nahas. Turonan kare oloh te melai intu lewu Reka.

¹³Ain Kenas aton due anak hatue arae Otniel tuntang Seraya. Ain Otniel kea aton due anak hatue iete Hatat tuntang Meonotai.

¹⁴Anak Meonotai iete Opra. Anak Seraya iete Yoab je mamangun Janah Tukang awi oloh hete uras tukang je apik nguan gawin lenge.

¹⁵Ain Kaleb anak Yepune aton telo anak hatue: Iru, Ela tuntang Naam. Anak Ela iete Kenas.

¹⁶Ain Yehaleleel aton epat anak hatue: Sip, Sipa, Tireya, tuntang Asareel.

¹⁷Anak hatue ain Esra aton epat biti: Yeter, Mered, Eper tuntang Yalon. Mered kawin dengan Bica anak raja Misir. Ewen mandino ije biti anak bawi arae Miryam, tuntang due anak hatue arae Samai tuntang Yisba. Yisba iete je mamangun lewu Estemoa. Mered kea kawin dengan ije biti oloh bawi bara suku Yuda: anak ewen je hatue aton telo biti: Yered je mamangun lewu Gedor, Heber je mamangun lewu Sokho, tuntang Yekutiel je mamangun lewu Sanoah.

¹⁹Hodia kawin dengan betau Naham. Turonan ewen iete tato hiang suku bangsa Garmi tuntang Maakha. Suku Garmi melai intu lewu Kehila, tuntang suku Maakha melai intu lewu Estemoa.

²⁰Ain Simon aton epat anak hatue: Amnon, Rina, Benhanan, tuntang Tilon. Ain Yisei aton due anak hatue: Sohet tuntang Ben-Sohet.

²¹Ije bara anak Yuda arae Sela. Turonae iete jetoh: Er je mamangun lewu Lekha Lada je mamangun lewu Maresa. Jalahan je manantang benang lena intu lewu Bet-Asbea Yokim Oloh lewu Koseba Yoas Sarap je kawin dengan kare bawin oloh Moab[5] tuntang palus haluli akan Betlehem. Daptar toh inyalinan bara catetan oloh horan.

²³Ewen uras tukang kandi tuntang balanai akan raja je melai intu lewu Netaim tuntang Gedera.

²⁴Ain Simeon aton lime anak hatue: Nemuel, Yamin, Yarib, Serah tuntang Saul.

²⁵Turonan saul iete jetoh: Salum Mibsam Misma Hamuel Sakur Simei

²⁷Ain Simei aton 22 anak: 16 hatue tuntang 6 bawi. Tapi tondah paharin Simei isut ih anake. Turonan Simeon dia kilau kare turonan Yuda.

²⁸ Sampai wayah Raja Dawid, turonan Simeon melai intu kare lewu jetoh: Berseba, Molada, Hasar-Sual,

²⁹Bilha, Esem, Tolad,

³⁰Betuel, Horma, Siklag,

³¹Bet-Markabot, Hasar-Susim, Bet-Biri tuntang Saaraim.

³²Ewen kea melai intu lime eka je beken, iete Etam, Ain, Rimon, Tokhen, Asan,

³³tuntang intu kare kampung tokep kare eka te sampai tikas lewu Baal intu hila barat daya. Kalote catetan je aton hong turonan Simeon tahiu rinting tuntang kare eka ewen melai.

³⁴Jetoh kare aran kapala jalahan hong jalahan Simeon: Mesobab Yamlekh Yosa anak Amasia Yoël Yehu anak Yosibya (Yosibya iete anak Seraya, eson Asiel) Elyoënai Yaakoba Yesohaya Asaya Adiel Yesimiel Benaya Sisa anak Sipei (jereh bara Sipei akan hunjun iete: Alon, Yedaya, Simri, Semaya). Awi kare keluarga ewen harajur mandahang,

³⁹maka ewen tayap akan barat sampai tokep lewu Gedor je aton intu ije janah. Intu hila timor janah te ewen sondau padang oru je bajewong tinai lombah hayak benyem akan meton ewen. Bihin tanah te ielai awi oloh Ham je belom sanang.

⁴¹Hong jaman Hiskia raja Yuda, turonan Simeon te manyarang Gedor. Ewen mampalomos kare kemah oloh lewu te tuntang oloh Meinim, palus maharak oloh je melai hete. Limbah te ewen manetep intu hete awi are padang oru akan meton ewen.

⁴²Intu penda kare parentah anak Yisei, iete Pelaca, Nearya, Repaya tuntang Usiel, 500 biti bara suku Simeon je beken bindah akan Edom intu hila timor.

⁴³Ewen mampatei kare tisan oloh Amalekh, palus manetep intu hete bara wayah te.