Read Ngaju 1 KRONIKA 7 Bible Online

1 KRONIKA 7 - Ngaju bible

1 KRONIKA 7

¹Isaskhar aton epat anak hatue: Tola, Pua, Yasob tuntang Simron,

²Ain Tola aton jahawen anak hatue: Usi, Repaya, Yeriel, Yamhai, Yibsam, tuntang Samuel. Ewen te kapala keluarga hong suku Tola tuntang basewut kilau kare tantara je menteng. Hong wayah Raja Dawid, turonan ewen jumlahe 22.600 biti.

³Ain Usi aton ije anak hatue arae Yisrahya. Yisrahya tuntang epat anake hatue, iete Mikhael, Obaja, Yoël tuntang Yisia iete kare kapala.

⁴Sawan ewen tuntang anak ewen are toto sampai turonan ewen olih manyadia 36.000 biti oloh hatue je sanggam jadi tantara.

⁵Manumon daptar je tau imercaya, bara kakare keluarga hong suku Isaskhar aton 87.000 oloh hatue je sanggam jadi tantara.

⁶Ain Benyamin aton telo anak hatue: Bela, Bekher tuntang Yediael.

⁷Bela tempon lime anak hatue: Esbon, Usi, Usiel, Yerimot, tuntang Iri. Ewen te kapala keluarga hong jalahan ewen tuntang basewut kilau kare tantara je menteng. Huang daptar turonan ewen incatet 22.034 biti oloh hatue je sanggam jadi tantara.

⁸Ayun Bekher aton 9 anak hatue: Semira, Yoas, Elieser, Elyoenai, Omri, Yeremot, Abia, Anatot, tuntang Alemet.

⁹Ewen te kapala keluarga hong jalahan bangsa ewen. Manumon daptar je tau imercaya, bara kare keluarga hong turonan ewen aton 20.200 biti oloh hatue je sanggam jadi tantara.

¹⁰Ain Yediael aton ije biti anak hatue arae Bilhan. Ain Bilhan aton 7 anak hatue: Yeus, Benyamin, Ehud, Kenaana, Setan, Tarsis tuntang Ahisahar.

¹¹Ewen te kapala keluarga hong jalahan ewen je basewut kilau tantara je menteng. Hong daptar turonan ewen incatet 17.700 biti oloh hatue je sanggam jadi tentara.

¹²Supim tuntang Hupim ie te turonan Ir. Husim iete anak bara Dan.[8]

¹³Ain Naptali aton 4 anak hatue: Yahsiel, Guni, Yeser, tuntang Salum. Ewen te eson Bilha.[9]

¹⁴Manase dengan gundike, ije biti bawin oloh Aram, aton due anak hatue ayue: Asriel tuntang Makhir. Anak Makhir iete Gilead.

¹⁵Makhir manggau oloh akan sawan Hupim tuntang Supim. Aran sawan[10] Makhir iete Maakha. Anak Makhir je kadue iete Selapehad. Selapehad jaton anak hatue, baya anak bawi.

¹⁶Maakha sawan Mahir manak due anak hatue je inggaree Peres tuntang Seres: Peres tempon due anak hatue arae Ulam tuntang Rekhem.

¹⁷Ulam tempon ije biti anak hatue arae Bedan. Jete turonan Gilead anak Makhir, eson Manase.

¹⁸Betau Gilead je arae Molekhet tempon telo anak hatue: Ashod, Abieser tuntang Mahla.

¹⁹Semida tempon 4 anak hatue: Ahyan, Sekhem, Likhi, tuntang Aniam.

²⁰Ain Epraim aton telo anak: Sutelah, Eser tuntang Elad. Jereh Epraim mahalau Sutelah iete Bered, Tahat, Elada, Tahat, Sabad, Sutelah. Eser tuntang Elad impatei metoh handak manakau meto ain oloh lewu Gad.

²²Bapa ewen manatum are andaue sampai kare pahari dumah mampong ie.

²³Limbah Epraim hinje hindai dengan sawae, palus oloh bawi te batihi tuntang manak ije anak hatue. Epraim manggare anak te Beria,[11] awi kajake je jari ingkame ewen te.

²⁴Ain Epraim aton anak bawi je arae Seera. Ie te je mampendeng kare lewu Bet-Horon Penda tuntang Bet-Horon Hunjun, hayak lewu Osa tuntang Seera.

²⁵Aton tinai ije biti anak hatuen Epraim, arae Repah. Jetoh jereh Repah: Resep, Telah, Tahan,

²⁶Ladan, Amihud, Elisama,

²⁷Nun, Yosua.

²⁸Tanah je inenga akan jadi eka ewen melai iete bara Betel sampai tikas Naaran intu hila timor, tuntang Geser intu hila barat dengan kare kampung hakaliling kare lewu te. Hong tanah te tame kea lewu Sikhem tuntang Aya, hayak kare kampung hakalilinge.

²⁹Turonan Manase manguasa lewu Bet-Sean, Taanakh, Megido, Dor tuntang kare kampung hakalilinge. Jete uras tanah akan eka melai turonan Yosep anak Yakob.

³⁰Jetoh turonan Aser. Ayue aton epat anak hatue: Yimna, Yiswa, Yiswi, Beria, tuntang ije anak bawi, arae Serah.

³¹Beria tempon telo anak hatue: iete Heber tuntang Malkiel je mapendeng lewu Birsait.

³²Heber aton telo anake hatue: Yaplet, Somer, Hotam, tuntang ije biti anak bawi, arae Sua.

³³Yaplet kea tempon 3 anak hatue: Pasakh, Bimhab, Aswat.

³⁴Somer paharin Yaplet aton 4 anake hatue: Ahi, Rogah, Yehuba, tuntang Aram.

³⁵Hotam,[12] paharin Yaplet je ije tinai, aton 4 anak haue: Sopah, Yimna, Seles tuntang Amal.

³⁶Turonan Sopah iete Suah, Harneper, Sual, Beri, Yimra,

³⁷Beser, Hod, Sama, Silsa, Yitran tuntang Beera.

³⁸Turonan Yeter iete Yepune, Pispa tuntang Ara.

³⁹Turonan Ula iete Arah, Haniel tuntang Risa.

⁴⁰Jete turonan Aser. Ewen te uras kapala keluarga je basewut kilau kare pangkalima je menteng tuntang oloh je hai kuasae. Hong daptar turonan Aser incatet 26.000 oloh hatue je sanggam jadi tantara.