Read Ngaju 1 KRONIKA 9 Bible Online

1 KRONIKA 9 - Ngaju bible

1 KRONIKA 9

¹Uras oloh Israel indaptar manumon gagenep keluargae. Daptar te incatet huang buku Kare Raja Israel. Kilau hukuman akan kare dosan ewen, rayat Yuda iimbit akan eka tawanan.

² Bara marak ewen je sola-solake haluli akan tanah ayun ewen intu kare lewu iete oloh je jaton bara pangkat hong Human TUHAN kare imam oloh Lewi tuntang kare oloh je bagawi intu Human TUHAN.

³Belahe bara suku Yuda, Benyamin, Epraim tuntang Manase haluli tuntang melai intu Yerusalem.

⁴Aton 690 keluarga bara suku Yuda je melai intu Yerusalem, tatame turonan kare anak Yuda je bagare Peres, Sela tuntang Serah. Turonan Peres imimpin awi Utai. Jereh turonan Utai bara penda akan hunjun iete, Utai, Amihud, Omri, Imri tuntang Bani. Turonan Sela imimpin awi Asaya. Ie te kapalan keluarga. Turonan Sera imimpin awi Yeuel.

⁷Kare oloh suku Benyamin je melai intu Yerusalem aton 956 keluarga. Kare kapala keluarga ewen iete: Salu anak Mesulam, eson Hodawya, buyut Hasenua Yebnia anak Yeroham Ela anak Usi, eson Mikhri Mesulam anak Sepaca, eson Rehuel, buyut Yibnia.

¹⁰Kare imam jetoh je melai intu Yerusalem: Yedaya, Yoyarib tuntang Yakhin Asarya anak Hilkia, tato hiange iete Mesulam, Sadok, Merayot tuntang Ahitub. (Asarya te pamimpin pegawai intu Human TUHAN) Adaya anak Yeroham; tato iete Pasur tuntang Malkia. Masai anak Adiel; tato iete Yasera, Mesulam, Mesilemit, Imer.

¹³Kare imam je jadi kapala keluarga, urase aton 1.760 biti. Ewen paceh malalus sepsimpan ampin gawi intu Human TUHAN.

¹⁴Kare oloh Lewi je melai intu Yerusalem iete: Semaya anak Hasub, tato hiange iete Asirikam tuntang Hasabya bara bangsa Merari Bakbakar, Heres tuntan Galal Matanya anak Mikha, tato iete Sikhri tuntang Asap Obaja anak Semaya, tatoe iete Galal tuntang Yedutun Berekhya anak Asa, eson Elkana, ie melai intu tanah lewu Netopa.

¹⁷Kare oloh je manjaga Human TUHAN je melai intu Yerusalem hayak keluarga ewen iete: Akub, Talmun, Ahiman, tuntang Salum kapalan oloh je manjaga Human TUHAN.

¹⁸Sampai andau toh kare oloh bara jalahan ewen inenga gawi uka manjaga Lawang Raja[16] intu hila timor. Bihin kare oloh bara jalahan ewen manjaga kare lawang manintu eka kemah oloh Lewi.

¹⁹Je inenga gawi manjaga bauntonggang tame akan Kemah TUHAN iete Salum hayak dengan kare oloh je ije kajalahan dengae, iete jalahan Korah. (Salum te anak Kore eson Abyasap). Horan tato hiang ewen mahin malalus tugas te metoh ewen bagawi intu Kemah TUHAN.

²⁰Pinehas anak Eleasar — keleh TUHAN mangalindong ie! — puji mangapala ewen.

²¹Sakaria anak Meselemya kea oloh je manjaga lawang Kemah TUHAN.

²²Uras oloh je intih uka manjaga kare lawang aton 212 biti. Ewen indaptar manumon kare kampung eka ewen melai. Tato hiang ewen inenga kare pangkat gawi awi Raja Dawid tuntang Nabi Samuel.

²³Bara katika te ewen tuntang turonan ewen tetep jadi panjaga lawang Human TUHAN.

²⁴Aton 4 bauntonggang: ije hila utara, ije intu salatan, ije intu hila timor tuntang ije intu hila barat. Intu gagenep bauntonggang te iandak ije biti oloh Lewi je jadi pamimpin akan oloh je manjagae.

²⁵Tondah paharin ewen je melai intu kare kampung, mandohop ewen dengan hagilir — tuntang gagenep ije kagilir katahie ije minggo.

²⁶Tapi epat kapalan oloh je manjaga Human TUHAN te, inenga gawi tantai manantuani tuntang manjaga kare kamar Human TUHAN tuntang kare ramo je iingkes intu hete.

²⁷Ewen melai tokep Human TUHAN, awi ewen musti manjaga huma te tuntang muap kare bauntonggange genep hanjewu.

²⁸Belahe kare oloh Lewi je beken inenga gawi tantai manantuai tuntang maharagu kare pakakas je ihapan metoh sombayang. Ewen te je marekee metoh impalua tuntang metoh ilian.

²⁹Belahe tinai inenga gawi tantai manatuani kare pakakas sombayang tuntang tepong, anggor, undus saitun, manyan, tuntang rarampah.

³⁰Tapi je tantai inenga gawi mewoi rarampah te iete kare imam.

³¹Je inenga gawi tantai mawi parapah je akan imapui[17] iete oloh Lewi arae Matica, anak bakas Salum bara jalahan Korah.

³²Kare oloh bara bangsa Kehat inenga gawi tantai manatap rote je barasih[18] akan TUHAN genep andau Sabat.

³³Belahe oloh Lewi je beken inenga gawi jadi oloh tukang manyanyi intu Human TUHAN. Kare kapalan keluarga ewen melai intu pire-pire huma hong Human TUHAN. Ewen dia inenga tugas beken, awi ewen bagawi handau tuntang hamalem.

³⁴Kare oloh je inyewut intu hunjun iete kare kapala keluarga ain oloh Lewi manumon jereh ewen. Ewen te kare pamimpin je melai intu Yerusalem.

³⁵Yeiel mampendeng lewu Gibeon, palus melai intu hete. Sawae bagare Maakha.

³⁶Kare anake je hatue, je bakas arae Abdon; je beken arae Sur, Kis, Baal, Ner, Naadab,

³⁷Gedor, Ahyo, Sakaria, tuntang Mikhlot,

³⁸bapa Simea. Turonan ewen melai intu Yerosalem hayak kare keluarga beken je ije kajalahan dengan ewen.

³⁹Bapa Raja Saul arae Kis tuntang buee arae Ner. Ain Saul aton 4 anak hatue: Yonatan, Malkisna, Abinadab, tuntang Esbaal.[19]

⁴⁰Yonatan tempon anak hatue arae Meribaal,[20] bapa Mikha.

⁴¹Mikha aton 4 anake hatue: Piton, Melekh, Tahrea, tuntang Ahas.

⁴²Anak Ahas bagare Yoada je tempon telo anak hatue: Alemet, Amawet tuntang Simri. Jereh Simri iete Mosa,

⁴³Bina, Rapa, Elasa tuntang Asel.

⁴⁴Asel aton 6 anake hatue: Asrikam, Bokhru, Ismael, Searya, Obaja tuntang Hanan.