Read Ngaju 2 KRONIKA 4 Bible Online

2 KRONIKA 4 - Ngaju bible

2 KRONIKA 4

¹ Raja Salomo manyoho manampa ije mesbeh tambaga, je kapanjang tuntang kabukae sama iete 9 meter, tuntang kagantonge 4,5 meter.

²Ie kea manampa ije bak tambaga je bunter, je ukurae kalotoh: kandaleme 2,2 meter, garis bentoke 4,4 meter, tuntang kalilinge 13,2 meter.

³Hakaliling saran hila luare imbungas hapan due bingkai gambar sapi, je inoangan haya-hayak dengan bak te.

⁴Bak te iandak intu hunjun likut due walas sapi tambaga - telo naharep akan utara, telo naharep akan salatan, telo naharep akan barat, telo naharep akan timor.

⁵Kakapal bak te 75 milimeter. Sarae kilau saran sangkir je maliuk akan baun kila-kilau ampin kambang bakung je burai. Bak te olih mamuat kira-kira 60.000 liter.

⁶ Raja Salomo kea manampa 10 baskom je hai, lime akan iandak intu hila salatan Human TUHAN, tuntang lime tinai akan hila utarae. Kare baskom te gunae akan menyau kare ragan meto je handak imapui indu parapah. Danum intu huang bak hai te inyadia akan kare imam hapae menyau arep.

⁷ Inampae kea 10 tantahan sumbo bara amas manumon sonto je jari irencanae, tuntang 10 meja. Uras tantahan sumbo tuntang meja te iandak intu huang kamar je mambatang intu Human TUHAN — iete lime intu hila sambil, tuntang lime intu hila gantau. Inampae kea 100 mangkok amas.

⁹Raja Salomo manampa ije parantaran huang akan kare imam, tuntang ije parantaran luar. Atep bauntonggang helat due parantaran te ingalukop hapan tambaga.

¹⁰Bak iandak tokep puting hila tanggara Human TUHAN.

¹¹Huram, kapala kare tukang te, manampa kare ketel, kare sendok kawo, kare mangkok. Maka ie jari mahapus gawi manampa kare pakakas Human TUHAN tumon janjie dengan raja Salomo. Jetoh kare pakakas je jari inampae te: Due jihi hai Due takolok jihi kilau mangkok je iandak intu hunjun due jihi te. Jawet rantai hong genep takolok jihi Epat ratus delima tambaga je inyusun due kabaris mangaliling jawet kare rantai hong genep takolok jihi. Sapuluh[4] kareta Sapuluh baskom hai Bak tambaga Due walas sapi tambaga je hapan manyangga bak te. Kare ketel, kare sendok kawo tuntang kare garpu. Uras perlengkapan te je inampa awi Huram akan Human TUHAN, inampa bara tambaga tuntang inggosok sampai malinyau. Huram manampa kakare taloh te tumon parentah Raja Salomo.

¹⁷Raja manyoho manampa kare ramo te huang eka manoangan kare sanaman helat Sukot tuntang Sereda intu Janah Yordan.

¹⁸Kare ramo te are toto, sampai oloh jaton katawan pire kilogram tambaga je ihapan.

¹⁹Raja Salomo kea manyoho manampa kare pakakas beken bara amas tulen akan Human TUHAN. Jetoh kare pakakas je inampa te: Mesbeh Meja akan rote tampayah Uras tantahan sumbo tuntang sumboe bara amas batue akan inotong intu baun Kamar Ije Barasih Haliai, tumon kare rencana. Kare hiasan kilau kambang tampae Kare palitae Kare guntinge Pakakas hapa marasih hampulor palita Kare sangko Kare piring akan garo Kare piring eka barah apui Uras bauntonggang tame Human TUHAN tuntang bauntonggang Kamar Ije Barasih Haliai ingalukop hapan amas.