Read Ngaju ESRA 1 Bible Online

ESRA 1 - Ngaju bible

ESRA 1

¹ Hong nyelo je solake kahum Kores, Raja Persia marentah,[1] TUHAN malalus taloh je jari insanan mahalau Nabi Yeremia. TUHAN mampahian atei Kores uka mampalua ije parentah je imbasa hong hapus karajaae. Kalotoh auhe:

² “Jetoh parentah Kores, raja Persia, TUHAN, Hatalla je kuasa hong sorga jari mangkat aku raja akan hapus kalunen, tuntang manyoho aku uka mamangun huma Akae hong Yerusalem intu tanah Yuda.

³Keleh Hatalla mangalindong keton hadiai je jadi ungkup Ayue. Keton musti buli akan Yerusalem tuntang mamangun haluli Human TUHAN, Hatallan Israel, Hatalla je melai intu Yerusalem.

⁴Amon aton ije biti oloh ungkup Ayue intu eka tawanan toh perlu pandohop uka tau buli, maka kare tetanggae musti manenga pandohop te. Ewen musti manenga akae perak tuntang amas, bahata hong jalan hayak meto akan eka ramo, tuntang kea kare parapah akan human TUHAN hong Yerusalem.”

⁵Limbah te kare kapala jalahan bara suku Yuda tuntang Benyamin, kare imam tuntang kare oloh Lewi, tuntang genep biti je ateie inggerek awi Hatalla, tata-tatap uka buli akan Yerusalem tuntang mamangun haluli Human TUHAN.

⁶Uras kare tetangga ewen omba mandohop hayak manenga kare ramo, kilau kare pakakas perak tuntang amas, akan bahata hong jalan, meto akan eka ramo, kare panatau je beken tuntang kare parapah akan Human TUHAN.

⁷Kores mampalua kare mangkok tuntang kare sangkir je bihin ihapan huang Human TUHAN intu Yerusalem. Kare ramo te jari iimbit awi Raja Nebukadnesar tuntang ina intu huang pasah kare dewa ayue kabuat.

⁸Kores manyarah kare ramo te akan Mitredat, kepala perbendaharaan karajaan. Limbah te Mitredat mawi daptar kare ramo te akan Sesbasar, gubernur Yuda.

⁹Jetoh ie daptar te: kare mangkok amas akan gawi maluput parapah — 30 kare mangkok perak akan gawi maluput parapah — 1.000 kare mangkok je beken — 29 kare mangkok korik bara amas — 30 kare mangkok korik bara perak — 410 pakakas beken — 1.000

¹¹Samandiaie aton 5.400 mangkok amas tuntang perak hayak kare ramo beken. Uras jete iimbit awi Sesbasar metoh ie tuntang kare oloh tawanan je beken haguet bara Babel manintu Yerusalem.