Read Ngaju ESRA 7 Bible Online

ESRA 7 - Ngaju bible

ESRA 7

¹Banyelo-nyelo limbah te, metoh Artahsasta marentah kilau raja Persia, aton ije biti oloh hatue bagare Esra, bara turonan Imam Hai Aron. Jerehe bara penda akan hunjun kalotoh: Esra Seraya Asarya Hilkia

²Salum. Sadok Ahitub

³Amarya Asarya Merayot

⁴Serahya Usi Buki

⁵Abisua Pinehas Eleasar Imam Hai Aron.

⁶Esra te ije biti oloh pintar tuntang ie katawan are hal tahiu hukum Parentah je inenga TUHAN, Hatallan Israel akan Moses. Awi Esra te imberkat awi TUHAN, Hatalla, maka raja manenga akae uras kare taloh je ilakue. Hong nyelo kaujue Raja Artahsasta marentah, Esra haguet bara Babel manintu Yerusalem hayak ije rombongan oloh Israel iete kare imam, oloh Lewi, panyanyi hayak panjaga lawang intu Human TUHAN, tuntang kare panggawi.

⁸Ewen malihi Babel hong tanggal ije bulan ije tuntang tagal pandohop Hatalla ewen sampai intu Yerusalem hong tanggal ije bulan lime.

¹⁰Esra jari mahapan salepah kataue manantuani Parentah TUHAN, uka malalus jete tuntang majar kare atorae akan bangsa Israel.

¹¹Jetoh dukumen je inenga Raja Artahsasta akan Esra, ije biti imam tuntang ahli hukum,

¹²“Bara Raja Artahsasta akan Imam Esra, ahli Hukum ain Hatalla je kuasa hong sorga. [12]

¹³Aku marentah kakare imam, oloh Lewi tuntang oloh Israel je beken hong hapus karjaangku, je nahuang haguet akan Yerusalem, inyoho bewei haguet haya-hayak dengan pahari.

¹⁴Awi aku tuntang uju panasehatku manyoho Pahari akan Yerusalem tuntang Yuda uka manantuani ampie tuntang mite en parentah Hatalla je jari imeraya akan Pahari, toto-toto jari inumon.

¹⁵Aku tuntang kare panasehatku nahuang maluput amas tuntang perak akan Hatallan Israel, Hatalla je melai intu Yerusalem. Keleh mimbit parapah ikei te.

¹⁶Keleh mimbit kea amas tuntang perak je imumpong awi Pahari hong hapus karajaan Babel tuntang kakare panenga bara bangsa Israel dengan kare imame akan Human TUHAN, Hatallan ewen intu Yerusalem.

¹⁷Keleh mahapan duit te bua-buah akan mamili sapi hatue, tabiri hatue, anak tabiri, gandom tuntang anggor. Keleh maluput uras taloh te intu hunjun mesbeh Human TUHAN intu Yerusalem.

¹⁸Perak tuntang amas je magon batisa tau Pahari mahapae akan kaperluan Pahari tuntang kare kawal Pahari; tumon kahandak Hatallan Pahari.

¹⁹Sarah akan Hatalla hong Yerusalem uras kare pakakas je inyarah akan Pahari hapan sombayang intu Human Hatalla.

²⁰Tuntang kakare kaperluan awang beken intu Human TUHAN, tau Pahari balakue hong kas karajaan.

²¹Akan kakare oloh je tantai maurus kas karajaan hong propinsi Euprat Barat irentahku mangat en bewei je ilaku awi imam Esra, ahli Hukum Parentah Hatalla je kuasa hong sorga, patut inenga akae bajeleng,

²²sampai kare haseae kalotoh: perak sampai 3.400 kg., gandom sampai 10.000 kg., anggor sampai 2.000 liter, undus saitun sampai 2.000 liter, tuntang uyah sapire karee je patut.

²³Lalus bua-buah kare gawi manyadia kare taloh je ilaku Hatalla je kuasa hong sorga akan Human Ayue, mangat Ie dia sangit dengangku atawa dengan kare oloh je marentah limbah aku.

²⁴Keton dia tau manduan pajak bara kare imam, oloh Lewi, panyanyi, panjaga lawang, panggawi, atawa eweh bewei je aton hubungae dengan Human TUHAN.

²⁵Pahari Esra, keleh mahapan kare kapintar je inenga Hatalla akan Pahari tuntang keleh mangkat kare pamimpin tuntang kare hakim akan marentah uras oloh intu propinsi Euprat Barat je belom manumon Parentah Hatallan Pahari. Keleh Pahari majar kakare Hukum Parentah te akan kakare oloh je hindai mangatawae.

²⁶Genep biti je dia manumon kare parentah Hatallan Pahari, atawa kare hukum karajaan, musti bajeleng ihukum matei, atawa inganan, atawa induan ramoe, atawa inamean akan penjara.”

²⁷Palus koan Esra “Tara akan TUHAN, Hatalla je inyembah tato hiang itah! Ie manggerek atei Raja sampai raja nahuang tantai manantuani Human TUHAN intu Yerusalem.

²⁸Tagal pandohop Hatalla, raja marajin aku, tuntang kare panasehat ayue dengan kare pajabat ayue je kuasa te mahin marajin aku. TUHAN, Hatallangku, jari manenga semangat akangku, sampai aku olih mirak kakare pamimpin bangsa Israel uka buli akan Yerusalem.”