Read Ngaju ESRA 8 Bible Online

ESRA 8 - Ngaju bible

ESRA 8

¹Jetoh kare pamimpin bangsa je jari inawan akan Babel tuntang buli tinai hayak aku, Esra, akan Yerusalem metoh Artahsasta marentah kilau raja:

²Gersom, bara jalahan Pinehas Daniel, bara jalahan Itamar Hatus anak Sekhanya, bara jalahan Dawid Sakharia bara jalahan Paros, hayak 150 biti oloh hatue bara jalahae (aton catetan tahiu horoi rinting ewen) Elyoënai anak Serahya, bara jalahan, Pahat-Moab, hayak 200 biti oloh hatue Sekhanya anak Yahasiel, bara jalahan Satu,[13] hayak 300 biti oloh hatue Ebed anak Yonatan, bara jalahan Adin, hayak 50 biti oloh hatue Yesaya anak Atalya, bara jalahan Elam, hayak anak 70 biti oloh hatue Sebaya anak Mikhael, bara jalahan Sepaca, hayak 80 biti oloh hatue Obaja anak Yehiel, bara jalahan Yoab, hayak dengan 218 oloh hatue Selomit anak Yosipya, bara jalahan Bani,[14] hayak dengan 160 oloh hatue. Sakharia anak Bebai, bara jalahan Bebai, hayak 28 biti oloh hatue Yohanan anak Hakatan, bara jalahan Asgad, hayak 110 biti oloh hatue Elipelet, Yehiel, tuntang Semaya, bara jalahan Adonikam, hayak 60 biti oloh hatue (ewen dumah rahian) Ut(...)

¹⁵Hapus kalompok oloh te imumpongku intu saran sungei je mahasor akan lewu Ahawa, palus ikei bakemah intu hete katahin telo andau. Limbah iriksaku, ampie aton pire-pire imam marak ewen, tapi jaton ije bara suku Lewi.

¹⁶Palus intehauku jalatien biti marak kare pamimpin, iete: Elieser, Ariel, Semaya, Elnatan, Yarib, Elnatan, Natan, Sakharia, Mesulam tuntang kea due guru, iete Yoyarib tuntang Elnatan.

¹⁷Limbah te inyohoku ewen manyondau Ido, kapala masarakat intu Kasipya, dengan palaku uka Ido tuntang kare kawale kare oloh je bagawi intu Human TUHAN, mangirim akan ikei kare oloh uka malalus gawi intu Human TUHAN.

¹⁸Awi kaketep atei Hatalla, ewen mangirim akan ikei Serebya ije biti oloh Lewi je pintar bara jalahan Mahli. Hayak dengae dumah kea kare anake tuntang paharie, 18 biti karee.[15]

¹⁹Hasabya tuntang Yesaya bara jalahan Merari, dengan due puluh biti tondah paharin ewen, ingirim kea akan ikei.

²⁰Beken bara te aton tinai 220 biti oloh je bagawi intu Human TUHAN je indaptar arae. Tato hiang ewen bara horan jari inukas awi Raja Dawid tuntang kare oloh hai karajaan uka mandohop oloh Lewi.

²¹Palus hong saran Sungei Ahawa te aku mansanan uka oloh samandiai musti puasa tuntang mamparandah arepe intu taharep Hatalla. Ikei balakudoa uka Hatalla mamimpin ikei hong pangguet te hayak mangalindong ikei, kare anak ikei tuntang kakare ramon ikei.

²²Aku langkamen balaku tantara bakuda dengan raja uka mangalindong ikei bara musoh hong pangguet te. Awi aku jari hamauh dengae, iete Hatallan ikei mamberkat genep biti je manempo Ie tuntang manyingi hayak mahukum gagenep oloh je dia baketep intu Ie.

²³Palus ikei puasa tuntang balakudoa intu Hatalla balaku kalindong tuntang Ie manarima auh lakudoan ikei.

²⁴Bara marak kare imam je basewut aku mintih duewalas biti: Serebya, Hasabya tuntang 10 biti beken tinai.

²⁵Limbah te akan ewen aku manimbang perak, amas tuntang kare pakakas je jari inenga awi raja, kare panesahat hayak oloh hai tuntang awi kakare oloh Israel, je akan ihapan intu Human TUHAN. Uras taloh te injulokku akan kare imam te.

²⁶Jetoh daptar aran kare panenga te: perak — — 22 ton 100 pakakas perak — — 70 kg. amas — — 3.400 kg. 20 mangkok amas — — 8,4 kg. 2 mangkok tambaga je bahalap toto, je sama regae dengan mangkok amas.

²⁸Aku hamauh dengan kare imam te, “Keton ingabeken tantai akan TUHAN, Hatalla je inyembah tato hiang itah, kalote kea kare pakakas perak tuntang amas je inenga akan TUHAN iete baya akan TUHAN.

²⁹Haga kare ramo te bua-buah sampai keton dumah akan Human TUHAN. Limbah sampai intu hete keton musti manimbang kare ramo te, tuntang manjuloke akan kare imam kapala tuntang kare pamimpin oloh Lewi, hayak kare pamimpin oloh Israel intu Yerusalem.”

³⁰Palus kare imam tuntang kare oloh Lewi te manarima perak, amas tuntang kare pakakas te uka imbit akan Human TUHAN intu Yerusalem.

³¹Hong tanggal duewalas bulan ije ikei malihi Sungei Ahawa tuntang haguet akan Yerusalem. Hong pangguet te, ikei ingalindong awi Hatallan ikei bara kare musoh je manyarang tuntang mimpa ikei.

³²Katika ikei sampai hong Yerusalem, ikei malayan kaheka katahin 3 andau.

³³Limbah te intu andau kaepat ikei haguet akan Human TUHAN, palus manimbang perak, amas tuntang kare pakakas te. Limbah te ikei manyarah jete akan Imam Meremot anak Uria hayak inyaksi awi Eleasar anak Pinehas tuntang due biti oloh Lewi, iete Yosabad anak Yesua tuntang Noaja anak Binui.

³⁴Uras kare ramo te iitong tuntang inimbang, palus incatet urase jaton tapas atawa kurang.

³⁵Hong andau te kea uras oloh je jari haluli bara tawanan te, maluput parapah je ingehu akan Hatallan Israel. Ewen maluput 12 kongan sapi hatue akan hapus Israel, 96 kongan tabiri hatue tuntang 77 kongan tabiri; beken bara te 12 kongan kambing akan parapah ampun dosa akan dosan ewen kabuat. Uras kare meto te ingehu kilau parapah akan TUHAN.

³⁶Palus dukumen je inenga raja akan ewen inyarahe akan kare gubernur tuntang pajabat propinsi Euprat Barat. Palus kare pajabat te manenga pandohop akan rayat uka ewen olih tetep sombayang intu Human TUHAN.