Read Ngaju NEHEMIA 11 Bible Online

NEHEMIA 11 - Ngaju bible

NEHEMIA 11

¹Kare pamimpin manetep intu lewu Yerusalem tuntang rayat batenong mintih ije keluarga bara genep sapuluh keluarga je balalu melai intu lewu barasih Yerusalem. Je dia buah intih tau melai intu lewu je beken.

²Bara marak ewen aton je pahias manetep intu Yerusalem tuntang ewen inara awi rayat.

³ Intu kare lewu beken, rayat Israel, kare imam, kare oloh Lewi, kare panggawi Human TUHAN, tuntang turonan kare pelayan Salomo melai intu petak ayun ewen tuntang intu kare lewu ain ewen kabuat.

⁴Pire-pire biti suku Yuda tuntang Benyamin melai intu Yerusalem. Jetoh daptar aran ewen: Ataya anak Usia tuntang eson Sakharia. Pire-pire bara tato hiange iete: Amarya, Sepaca tuntang Mahaleel, Peres, Yuda. Samandiai aton 468 biti je menteng. Maaseya anak Barukh tuntang eson Kolhose. Pire-pire bara tato hiange iete: Hasaya, Adaya, Yoyarib, Sakharia, sela, Yuda.

⁷Kare oloh suku Benyamin: Salu anak Mesulam tuntang eson Yoëd. Pire-pire bara tato hiange iete: Pedaya, Kolaya, Maaseya, Itiel tuntang Yesaya. Gabai tuntang Salai. Ewen te tundah pahari tokep[17] limbah ie. Samandiaie aton 928 biti imimpin awi

⁹Yoël anak Sikhri tuntang wakile, Yuda anak Hasenua.

¹⁰Kare imam: Yedaya anak Yoyarib tuntang Yakhin. Seraya anak Hilkia tuntang eson Mesulam. Pire-pire bara tato hiange iete: Sadok, Merayot, Ahitub je manjadi Imam Hai.

¹²Samandiaie aton 822 biti imam je bagawi intu Human TUHAN. Adaya anak Yeroham tuntang eson Pelalya. Pire-pire bara tato hiange iete: Amsi, Sakharia, Pashur, tuntang Malkia.

¹³Kare pamimpin keluarga hong jalahan te aton 242 biti. Amasai anak Asareel tuntang eson Ahsai. Tato hiange belahe iete: Mesilemot tuntang Imer.

¹⁴Bara jalahan toh aton 128 biti oloh je mamot menteng. Pamimpin ewen iete Sabdiel anak Gedolim.[18]

¹⁵Kare oloh Lewi: Semaya anak Hasub tuntang eson Asrikam. Tato hiange belahe: Hasabya tuntang Buni. Sabetai tuntang Yosabad, kare oloh Lewi je mambatang je manantuani gawi intu luar Human TUHAN. Matanya anak Mikha tuntang eson Sabdi, bara turonan Asaf. Ie kapalan kare oloh panyanyi akan lakudoa tarimakasih. Bakbukya wakil Matanya. Abda anak Samua tuntang eson Galal, bara turonan Yedutun. Samandiaie aton 284 biti.

¹⁹Kare oloh je manjaga lawang: Akub, Talmon tuntang kare kawal ewen. Samandiaie aton 172 biti.

²⁰Rakyat Israel, kare imam tuntang kare oloh Lewi je tisae, melai intu petak ewen hong kare lewu kanih-kate hapus tanah Yuda.

²¹Kare panggawi intu Human TUHAN melai intu lewu Yerusalem hila lewu Yerusalem je bagare Opel. Ewen bagawi imimpin awi Siha tuntang Gispa.

²²Pangawas kare oloh Lewi je melai intu Yerusalem iete Usi anak Bani tuntang eson Hasabya. Belah tato hiange iete Matanya tuntang Mikha. Ie tatame jalahan Asap, je bagawi maurus urusan musik metoh sombayang intu Human TUHAN.

²³Gilir genep jalahan akan maurus musik intu Human TUHAN genep andau inukas manumon atoran je iawi raja.

²⁴Petalya anak Mesesabeel bara jalahan Sera bara suku Yuda, jadi wakil bangsa Israel intu istana Persia.

²⁵Are bara rayat melai intu kare lewu je tokep dengan kare tanan ewen. Pire-pire biti bara suku Yuda melai intu petak helat Berseba hila salatan tuntang Janah Hinom hila utara. Ewen melai intu kare lewu jetoh tuntang kare eka halalilinge: Kiryat-Arba, Dibon, Yekabseel Yesua, Molada, Bet-Pelet Hasar-Sual, Berseba Siklag, Mekhona En-Rimon, Sora, Yarmut, Sanoah, Adulam, Aseka, Lakhis.

³¹Pire-pire biti bara suku Benyamin melai intu Geba, Mikhmas, Ai, Betel tuntang kare kampong je hakatokep hete,

³²intu Anatot, Nob, Ananya,

³³Hasor, Rama, Gitaim,

³⁴Hadid, Seboim, Nebalat,

³⁵Lod, Ono tuntang intu Janah Tukang.

³⁶Pire-pire baris oloh Lewi je helo bara te melai intu tanah Yuda inyoho melai marak kare oloh Benyamin.