Read Ngaju NEHEMIA 12 Bible Online

NEHEMIA 12 - Ngaju bible

NEHEMIA 12

¹Jetoh kare imam tuntang kare oloh Lewi je haluli bara tawanan hayak Serubabel anak Sealtiel tuntang dengan imam Hai Yesua:

²Kare imam: Seraya, Yeremia, Esra, Amarya, Malukh, Hatus Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia, tuntang Yedaya. Ewen te kare imam pamimpin intu jaman Yesua.

⁸Kare oloh Lewi: Pamimpin akan nyanyi terimakasih: Yesua, Binui, Kadmiel, Serebya, Yuda tuntang Matanya.

⁹Anggota koor je manyanyi akan nyanyi panombah: Bakbukya, Uni tuntang kare kawale je ije kajalahan.

¹⁰Jetoh jereh turonan Imam Hai Yesua: Yesua, Yoyakim, Elyasib, Yoyada,

¹¹Yonatan, Yadua

¹²Jetoh daptar kare imam kapala dengan jalahan ewen metoh Yoyakim bagawi kilau Imam Hai: [Imam] — [Jalahan] Meraya — Seraya Hananya — Yeremia Mesulam — Esra Yohanan — Amarya Yonatan — Melikhu Yusuf — Sebanya Adna — Harim Helkai — Merayot Sakharia — Ido Mesulam — Gineton Sikhri — Abia …[19] — Minyamin Piltai — Moaja Samua — Bilga Yonatan — Semaya Matnai — Yoyarib Usi — Yedaya Kalai — Salai Heber — Amok Hasabya — Hilkia Netaneel — Yedaya

²²Daptar tahiu kare kapala keluarga ain oloh Lewi tuntang keluarga ain imam jari incatet intu jaman kare Imam Hai jetoh: Elyasib, Yoyada, Yohanan tuntang Yadua. Catetan te jadi metoh Darius marentah kilau raja Persia.

²³Tapi tahiu kare pamimpin keluarga ain suku Lewi baya tacatet sampai jaman Yonatan eson Elyasib.

²⁴Imimpin awi Hasabya, Serebya, Yesua, Binui[20] tuntang Kadmiel, kare oloh Lewi imbagi huang pire-pire kalompok. Genep katika aton due kalompok je bagawi manara TUHAN tuntang manyampai tarimakasih Akae dengan cara hatatombah, tumon atoran je inampa Raja Dawid, rewar Hatalla te.

²⁵Kare oloh je manjaga lawang Human TUHAN je inenga gawi manjaga kare kamar eka kare ramo tokep lawang Human TUHAN iete: Matanya, Bakbukya, Obaja, Mesulam, Talmon, tuntang Akub.

²⁶Ewen te belom intu jaman Yoyakim anak Yesua tuntang eson Yosadak tuntang intu jaman Gubernur Nehemia tuntang Imam Esra, ahli huang hukum parentah tuntang atoran.

²⁷Metoh dinding lewu Yerusalem iresmi, kare oloh Lewi intehau bara kare eka ewen melai, uka omba mamparami kajadian te dengan kare nyanyi tarimakasih, tuntang dengan musik gambus hayak kacapi.

²⁸Palus kare panyanyi tuntang kare suku Lewi hampumpong, aloh bara ekae melai tokep Yerusalem, atawa bara kare lewu tokep Netopa,

²⁹bara Bet-Gilgal, Geba tuntang Asmawet.

³⁰Kare imam tuntang kare oloh Lewi te malalus upacara mamparasih biti bereng ewen limbah te akan rayat, akan kare lawang tuntang dinding lewu.

³¹Aku manyoho kare pamimpin oloh Yuda mandai akan hunjun dinding uka mator due kalompok hai je kareh baris mangaliling lewu sambil manyanyi tara tarimakasih akan Hatalla. Kalompok je solake baris intu hunjun dinding, manintu akan gantau, akan Lawang Rotik.[21]

³²Hosaya mananjong intu likut kare panyanyi, inuntut awi belah kare pamimpin oloh Yuda.

³³Kare imam jetoh mananjong intu likut ewen sambil mahimon tarompet: Asarya, Esra, Mesulam, Yuda, Benyamin, Semaya tuntang Yeremia. Ewen inuntut awi Sakharia anak Yonatan tuntang eson Semaya. Pire-pire bara tato hiange iete: Matanya, Mikha, Sakur, bara jalahan Asap.

³⁶Intu likute mananjong kare oloh bara jalahan iete: Semaya, Asareel, Milalai, Gilalai, Maai, Netaneel, Yuda tuntang Hanani. Ewen uras mimbit kare pakakas musik, kilau je impahiau awi Raja Dawid, rewar Hatalla te. Imam Esra, ahli hukum parentah Hatalla te, mananjong intu takolok barisan te.

³⁷Sana sampai intu Lawang Danum Pancoran ewen mambelok tuntang mandai lampat Lewun Dawid, mahalau istana Dawid, palus haluli akan dinding intu Lawang Danum hong hila timor lewu.

³⁸Kalompok panyanyi je ije tinai baris intu hunjun dinding lewu manintu akan sambil, tuntang aku manuntute haya-hayak dengan belahe kare rayat. Ikei baris mahalau Candi Parapen sampai akan Dinding Lombah.

³⁹Palus ikei mahalau Lawang Epraim, Lawang Rotik, Lawang Lauk, Candi Hananeel tuntang Candi Mea sampai akan Lawang Tabiri. Barisan ikei tende tokep Lawang Jaga tokep Human TUHAN.

⁴⁰Maka ikei sampai due kalompok panyanyi te intu tokep Human TUHAN. Beken bara kare pamimpin, maka intu kalompok ayungku,

⁴¹omba kea kare imam je mampahiau tarompet. Ewen te iete: Elyakim, Maaseya, Minyamin, Mikha, Elyoënai, Sakharia, tuntang Hananya.

⁴²Intu likut ewen mananjong Maaseya, Semaya, Eleasar, Usi, Yohanan, Malkia, Elam tuntang Eser. Oloh panyanyi manyanyi inantiring awi pamimpin panyanyi Yisrahya.

⁴³Hong andau te are parapah iluput akan TUHAN. Rayat hanjak rantang karena Hatalla jari manenga kasanang akan ewen. Kare oloh bawi tuntang anak oloh omba kea pesta, tuntang auh karamin kahanjak ewen tarahining sampai eka kejau.

⁴⁴Hong katika te pire-pire biti oloh inenga gawi uka manantuani kare kamar eka kare ramo eka mingkes kare sumbangan akan Human TUHAN, tatame kea parapah persapuluh tuntang hasil taloh imbul genep nyelo. Kare pangawas je tantai manantuani taloh te patut mangumpul kare sumbangan te bara kare tana intu hakaliling lewu. Kare sumbangan te inyarah akan kare imam tuntang oloh Lewi, manumon atoran hukum parentah TUHAN. Kakare oloh Yehudi marega kare imam tuntang oloh Lewi te,

⁴⁵ awi ewen malalus kare upacara mamparasih tuntang upacara je beken kilau je jari irentah awi Hatalla. Kare oloh je main musik tuntang manjaga lawang Human TUHAN malalus kare gawin ewen manumon atoran Raja Dawid tuntang Salomo, anake.

⁴⁶Manampara bara jaman raja Dawid tuntang ahli musik Asap, kare oloh panyanyi, jari manyanyi kare lagu nyanyi tara tuntang tarima kasih akan Hatalla.

⁴⁷Metoh jaman Serubabel tuntang kea metoh Nehemia, hapus rayat Israel manenga parapah akan kaperluan pambelom kare panyanyi tuntang panjaga Lawang Human TUHAN. Rayat manenga parapah je ingabeken akan oloh Lewi tuntang kea akan kare imam bagin je jari inukas.