Read Ngaju NEHEMIA 3 Bible Online

NEHEMIA 3 - Ngaju bible

NEHEMIA 3

¹Jetoh laporan tahiu kilen ampie dinding Yerusalem ingambuah.[4] Imam Hai Elyasib tuntang kare kawale mamangun haluli Lawang Tabiri. Ewen mangkepan kare dawen bauntongange tuntang mangabekee tantai akan TUHAN. Ewen mangambuah tuntang mamparasih dinding sampai akan Candi Saratus tuntang sampai akan Candi Hananeel

²Beken bara kare imam te, kare oloh toh mangambuah dinding lewu hayak kare lawang candie hong gilir kalotoh: Kare oloh Yerikho Sakur anak Imri Jalahan Senaa: Lawang Lauk dengan kare balok, kare atep bauntonggang, kare baut tuntang kare huite. Meremot anak Uria tuntang eson Hakos. Mesulam anak Berekhya tuntang eson Mesesabeel. Sadok anak Baana Oloh lewu Tekoa (kare bakas lewu te dia maku malalus gawi je kasar). Yoyada anak Paseah tuntang Mesulam anak Besoja: Lawang Yesana[5] dengan kare balok, kare atep bauntonggang, kare baut tuntang huite. Malaca bara Gibeon tuntang Yadon bara Meronot. Kare oloh Gibeon tuntang kare oloh Mispa: dinding sampai akan istana gubernur Euprat Barat. Usiel, ije biti tukang amas, anak Harhaya. Hananya, ije biti oloh je mawi minyak je mangat ewaue: sampai Dinding Lombah. Repaya anak Hur, je manguasa satengah distrik Yerusalem. Yedaya anak Harumap: dinding je tokep humae kabuat(...)

¹⁷Pire-pire bara bagian dinding hadarah dengan Nehemia imangun awi kare oloh Lewi hong gilir toh: Rehum anak Bani, Hasabya je manguasa satengah Distrik Kehila. Bagian dinding akan distrik ayue kabuat. Binui anak Henadad, je manguasa satengah Distrik Kehila. Eser anak Yesua, je kuasa intu Mispa: dinding intu puting jalan hong baun gedung sanjata. Barukh anak Sabai: dinding bara puting jalan sampai bauntonggang human Imam Hai Elyasib. Meremot anak Uria tuntang eson Hakos: hila dinding bara bauntonggang human Elyasib sampai akan tapakan huma te.

²²Pire-pire bagian dinding je ingambuah awi kare imam te, rete-retei kilau toh: Kare imam je melai dia kejau bara Yerusalem, Benyamin tuntang Hasub: dinding intu baun human ewen. Asarya anak Maaseya anak Ananya: dinding je tokep humae. Binui anak Henadad: dinding bara human Asariah sampai akan puting dinding. Palal anak Usai: dinding bara puting dinding tuntang candi istana hila hunjun, sampai tokep parantaran jaga. Pedaya anak Paros: dinding sampai intu baun Lawang Danum intu hila timor tuntang candi jaga Human TUHAN (Dia kejau bara hete aton eka je arae Opel, eka melai kare oloh je bagawi intu Human TUHAN.)

²⁷Pire-pire bagian dinding limbah te ingambuah awi kare oloh panggawi beken te, rete-retei kilau toh: Oloh lewu Tekoa: dinding bara baun candi jaga Human TUHAN sampai dinding daerah Opel. Kare imam je melai tokep Lawang Kuda: dinding je hataharep dengan genep humae bara lawang te palus akan hila utara. Sadok anak Imer: dinding je hataharep dengan humae. Semaya anak Sekhanya, je manjaga Lawang Timor: dinding je hataharep dengan humae. Hananya anak Salemya tuntang Hanun anak Salap je kajahawen. Mesulam anak Berekhya: dinding je hataharep dengan humae. Malkia, ije biti tukang amas: dinding sampai asrama ain kare oloh je bagawi intu Human TUHAN, tuntang human kare oloh dagang intu baun Lawang Mipkad[6] tuntang sampai tokep kamar hunjun intu puting dinding hila timor laut. Kare tukang amas tuntang kare oloh dagang: bagian dinding je pangkalepahe manampara bara kamar hunjun hong puting dinding sampai akan Lawang Tabiri.