Read Ngaju NEHEMIA 7 Bible Online

NEHEMIA 7 - Ngaju bible

NEHEMIA 7

¹Limbah dinding te jari imangun, aku manyoho uka atep bauntonggang te ingkepan. Balalu kakare oloh je manjaga lawang, kare tukang nyanyi tuntang kakare oloh Lewi inyohoku malalus gawin ayu-ayue.

²Pamarentah hong Yerusalem inyarah awiku akan paharingku Hanani tuntang akan Hanaya, pangkalima kota awi ie labih bara oloh beken, mikeh Hatalla tuntang tau imercaya.

³Koangku dengan ewen, “Lawang Yerusalem harue tau iuap amon andau jari sawah toto tuntang inutup tuntang ihuit helo bara kare jaga lepah girir bagawi helemei. Beken bara te inunjok piket jaga bara marak oloh Yerusalem, belahe intu pos jaga belahe jaga kaliling darah kare human ewen.”

⁴Yerusalem lewu je lombah tapi oloh je melaie isut, tuntang hindai are huma je jari imangun.

⁵Awi te Hatalla manenga pangarinah akangku uka mamumpong rayat tuntang kare pamimpin tuntang kare oloh je ihormat awi rayat, mangat aku olih misee manumon daptar jereh ewen. Metoh te jari sondau catetan tahiu kare oloh je pangkasolake buli bara eka tawanan. Toh ie katarangan je dinon awiku bara catetan te:

⁶Are bara marak oloh tawanan je malihi Babel te tuntang buli akan Yerusalem tuntang Yuda, manalih lewun ayu-ayue kabuat. Ewen jari tahi belom hong eka tawanan intu Babel, manampara bara katika ewen iunda akan kanih kilau tawanan awi raja Nebukadnesar.

⁷Kare kapalan ewen iete Serubabel, Yesua, Nehemia, Asarya, Raamya, Nahamani, Modekhai, Bilsan, Misperet, Bigwai, Nehum tuntang Baana.

⁸Jetoh ie daptar kare jalahan Israel, dengan hasean oloh bara genep jalaham je haluli bara eka tawanan: Paros — — 2.172 Sepaca — — 372 Arakh — — 652 Pahat-Moab (turonan Yesua tuntang Yoab) — — 2.818 Elam — — 1.254 Satu — — 845 Sakai — — 760 Binui — — 648 Bebai — — 628 Asgad — — 2.322 Adonikam — — 667 Bigwai — — 2.067 Adin — — 655 Ater (inggare kea Hiskia) — — 98 Hasum — — 328 Besai — — 324 Harip — — 112 Gibeon — — 95

²⁶Kare oloh je tato hiange melai kare lewu toh jari buli kea bara eka tawanan: Lewu Betlehem tuntang Netopa — — 188 Anatot — — 128 Bet-Asmawet — — 42 Kiryat-Yearim, Kepira tuntang Beerot — — 743 Rama tuntang Gama — — 621 Mikhmas — — 122 Betel tuntang Ai — — 123 Nebo je beken — — 52 Elam je beken — — 1.254 Harim — — 320 Yerikho — — 345 Lod, Hadid tuntang Ono — — 721 Senaa — — 3.930

³⁹Jetoh daptar jalahan kare imam je buli bara eka tawanan: Yedaya (turonan Yesua) — — 973 Imer — — 1.052 Pashur — — 1.247 Harim — — 1.017

⁴³Jetoh daptar jalahan oloh Lewi je buli bara eka tawanan: Yesua tuntang Kadmiel (turonan Hodewa) — — 74 Tukang musik intu Human(turonan Asap) — — 148 Kare panjaga Lawang Human(turonan Salum, Ater, Talmon, Akub, Hatita tuntang Sobai) — — 138

⁴⁶Jetoh daptar jalahan kare oloh je bagawi intu Human TUHAN je buli bara eka tawanan: Siha, Hasupa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Resin, Nekoda, Gasam, Usa, Paseah, Besai, Meunim, Nepusim, Bakbuk, Hakupa, Harhur, Baslit, Mehida, Harsa, Barkos, Sisera, Temah, Nesiah dan Hatipa.

⁵⁷Jalahan kare pelayan Salomo je buli bara eka tawanan: Sotai, Soperet, Perida, Yaala, Darkon, Gidel, Sepaca, Hatil, Pokheret-Hasebaim, Amon.

⁶⁰Hapus turonan oloh je bagawi intu Human TUHAN tuntang pelayan Salomo je buli bara eka tawanan karee 392 biti.

⁶¹Bara marak oloh je haguet bara kare lewu Tel-Melah, Tel-Harsa, Kerub, Adon dan Imer aton 642 biti, tatame jalahan Delaya, Tobia, tuntang Nekoda; tapi ewen dia olih manenga bukti je ewen te turonan bangsa Israel.

⁶³Tuntang aton kea pire-pire keluarga imam je dia olihe manyodau catetan tato hiang ewen. Kare jalahan te iete Habaya, Hakos tuntang Barsilai. (Ije biti tato hiang jalahan imam Barsilai kawin dengan oloh bawi turonan jalahan Barsilai intu Gilead, limbah te ie mahapan aran keluarga empoe.) Awi ewen dia olih mansanan bukti eweh tato hiang ewen, maka ewen dia inarima jadi imam.

⁶⁵ Gubernur tanah Yuda mengahana ewen kuman panginan ije iluput akan TUHAN sampai aton iman je tau balaku pansanan mahapan Urim tuntang Tumim.[13]

⁶⁶Kare oloh tawanan je buli akan tanah asale te karee 42.360 biti. Beken bara te omba buli kea kare pembantu je karee 7.337 biti tuntang panyanyi karee 245 biti. Ewen ke mimbit kare meto iete: Kuda — — 736 Kalidai — — 245 Onta — — 435 Kalidai biasa — — 6.720

⁷⁰Are bara marak kare rayat je manenga sumbangan uka mandohop mangambuah Human TUHAN: bara Gubernur: — — 8 kilogram amas — 50 mangkok upacara — 530 jubah imam bara kare kapala jalahan: — — 168 kilogram amas — 1.250 kilogram perak bara oloh je beken: — — 168 kilogram amas — 140 kilogram perak — 67 jubah imam

⁷³ Kare imam oloh Lewi, kare panjaga lawang Human TUHAN, oloh panyanyi, kare rayat je jaton bara pangkat, kare oloh je bagawi intu Human TUHAN, pandak auh hapus rayat Israel manetep intu kare lewu tuntang kare kampong intu tanah Yuda.