Read Ngaju YOB 15 Bible Online

YOB 15 - Ngaju bible

YOB 15

¹Maka Elipas tombah, “Ikau mangamburau, Yob, pander ayum jaton bara rima! Jaton oloh pintar harati je tombah kilau toh, ie dia akan mambela arepe hapan kare kotak je jaton rimae.

⁴En musti ie manahiu taloh je baguna, jaka panderm te inumon, ije biti mahin dia oloh mikeh atawa balakudoa manintu Hatalla tinai.

⁵Bara kotakm te je mansanan ikau puna sala, tapi kapapam inutupm hapan kaapikm hasoal.

⁶Dia usah aku mandawa tuntang manyalan ikau, basa awi kotakm kabuat ikau ingado.

⁷En ikau manyangka arepm olon je pangkasolake inakan? En ikau jari aton metoh kare bukit injapa?

⁸En ikau mahining Hatalla manampa rencana Ayue? En baya ikau bewei je tempon pangatawan tahiu kapintar tuntang kaharatin olon?

⁹Kare taloh je ingatawam, ikei mahin katawan kea; kare taloh je iharatim, mahin jadi tarang akan ikei.

¹⁰Pangatawan tahiu kapintar tuntang kaharati toh inarima ikei bara oloh je huwan; ewen jari aton helo bara bapam inakan.

¹¹Mbuhen ampong Hatalla langkamen ikau manarimae? Ikei hakotak hapan kasabar tuntang hapan kalemo tagal aran Aie.

¹²Tapi ikau sangit, ampin matam baliar;

¹³ikau sangit dengan Hatalla tuntang malawan Ie.

¹⁴ En tau olon samasinde dia bara kasalan? En tau ie imbujur intu taharep Hatalla?

¹⁵Sampai dengan malekat kea Hatalla mahin dia percaya; ewen dia barasih hong tampayah Hatalla.

¹⁶Mahi-mahi tinai olon je bangsat tuntang buah kapapa, je manegok kapapa kilau mihop danum bewei.

¹⁷Hining, Yob, aku handak manarang taloh akam,

¹⁸je iajar oloh pintar harati akangku. Ajar te inarimae bara tato hiange, tuntang uras inyampaie akan turonae.

¹⁹Metoh te jaton oloh bangsa beken hong lewun ewen; jaton je mampalayang ewen bara Hatalla.

²⁰Oloh papa je mahenyek sama arepe, harajur meles katahin pambelome.

²¹Kare auh hai je mampikeh mampadengen pindinge; metoh kamangate belom, parampok dumah manyarange.

²²Jaton kaharap akae mahila kakaput, awi padang pamuno manggoang ie genep katika.

²³Kare burong nasar mentai katika pampateie, ewen handak murep hantue. Palus ie katawan andau je inaharepe jaton bara kasanang.

²⁴Kajake kilau raja je paham kuasae, jari sadia handak manangakarap ie.

²⁵Kalote kajarian oloh je malawan Hatalla, je bahanyi malawan Je Jaton Tikas Kuasae.

²⁶Hayak dengan lecake ie manyarang tuntang malawan Hatalla; ie mangalindong arepe hapan talawang, awi ie puna dia maku kalah.

²⁸Ie manetep melai intu kare lewu je karak-karake, intu kare huma je jaton oloh melaie. Kare lewu te jari inukas uka tetep jadi tuyok derep taloh.

²⁹Panatau oloh te kareh nihau jaton batisa; kare ramoe lepah lingis.

³⁰Ie dia lapas bara taloh kaput pijem; apui kareh mangehu kare salundike. Ie akan impalomos awi riwut tahaseng je ihimun bara nyaman Hatalla.

³¹Amon ie percaya dengan taloh je dia baguna, maka ie buah tipu; tuntang upah je akan inarimae dia baguna kea.

³²Ie akan matei,[25] helo bara puna katikae, sama kilau edan balayu je dia tau bahijau tinai.

³³Ie sama kilau batang anggor je baduroh buae, sama kilau batang saitun je baduroh kambange.

³⁴Oloh papa jaton bara turonan; huma je imangue hapan duit hasil suap, lepah bakehu.

³⁵Kalote ih ampin ewen je mangarangka gawi papa tuntang malaluse; kare tipu harajur aton huang ateie.”