Read Ngaju YOB 19 Bible Online

YOB 19 - Ngaju bible

YOB 19

¹Tapi Yob tombah, “Mbuhen aku harajur inyalan keton, tuntang ingapehe keton hapan auh keton?

³Pire-pire tingkat toh keton jari manawah aku, tuntang keton manyiksa aku sampai jaton mangkeme mahamen.

⁴Jaka ih gawingku sala, jete dia mamparugi keton.

⁵Keton manyangka arep keton labih bahalap bara aku; kasusahku iitong keton kilau tanda kasalangku,

⁶Keleh keton mangatawan aku je katika toh kanjeran inyiksa Hatalla, tuntang inawan hapan jarat Ayue.

⁷Aku bagasak tagal kakaras gawin Aie te, tapi jaton ije biti oloh je manantuani aku. “Hong kueh kabujur,” koangku manangkariak, tapi jaton je mahining auhku.

⁸Hatalla matep jalangku, aku dia tau mahalau, tuntang Ie mawi kare jalangku kaput pijem.

⁹Ie marampas uras panatau aingku, tuntang mamparusak kahalap arangku.

¹⁰Ie mantakan aku bara hete-hete, kilau oloh manjawut uhat taloh imbul, balalu manaluae karinge palus balayu, kalote Ie marunap kare kaharapku.

¹¹Kasangit Hatalla hasep dengangku; aku itong Awie kilau musoh Ayue.

¹²Pasukan Ayue manyarang jaton tara tahan; jalangku ingampeng Awie tuntang; kemahku ingapong.

¹³Kare paharingku ingejau Awie bara aku; aku jadi oloh tamuei marak kare oloh kapatuhku.

¹⁴Kare kolangku uras mangejau arepe; kare sobatku dia mingat aku tinai.

¹⁵Rewarku je bawi kalapean eweh aku, tuan ain ewen; ewen mitong aku oloh je hindai ewen kasenee.

¹⁶Aku mantehau rewarku, tapi jaton je tombah, aloh aku mangatau ie hapan auh je balemo.

¹⁷Sawangku muta manyingut ewau tahasengku, paharingku ije kalambutan dia handak manokep aku,

¹⁸Aku inawah awi kare anak oloh intu jalan; amon aku mendeng aku inatawe.

¹⁹Mite aku, kare sobatku mangkarieng; aku ilihi awi ewen je inyintaku.

²⁰Bitingku batisa upak mamungkus tulang; karenga aku matei tuntang hambaruangku tambalang.

²¹O kare sobatku, pasi aku, basa lengen Hatalla mamukul aku.

²²Hatalla harajur mahenyek aku; mbuhen keton manyonto Ie? En keton hindai peda manyiksa aku?

²³Yoh, keleh kare auhku incatet, mangat aku harajur indu pingat;

²⁴keleh jete imahat hapan sanaman intu batu, mangat olih tahan sampai katatahie.[29]

²⁵Aku katawan hong sorga aton Pandohopku; kajariae Ie akan dumah mandohop aku.

²⁶Aloh upak bitingku bahima-himang tuntang darak-daraka, tapi katahin aku magon aton bitingku,[30] aku akan manampayah Hatalla.

²⁷Hapan matangku kabuat aku akan mite Ie, tuntang akangku Ie jadi sobat. Ateiku lenyoh awi keton hamauh,

²⁸‘Kilen ampin carae itah mandawa ie?’ Keton manggau sabab uka manampa perkara.

²⁹Tapi toh keleh mikeh dengan padang! Awi Hatalla sangit tuntang mahukum oloh badosa; maka keton katawan, puna aton Hatalla je mamutus perkaran[31] olon.”