Read Ngaju YOB 23 Bible Online

YOB 23 - Ngaju bible

YOB 23

¹Tapi Yob tombah, “Tapi aku bagasak tuntang manarahing taharep Hatalla; dia olih aku manyarenan kapehen kamungohku.

³Ceh, jaka aku katawan hong kueh Ie aton, mangat aku olih haguet tuntang hasondau Dengae.

⁴Maka Akae aku handak mampataharep pakarangku, bara nyamangku rawo-rawo auhku mambela.

⁵Aku handak katawan taloh je akan ingotak Awie, tuntang kilen ampie auh panombah Ayue.

⁶En Ie hapan kuasan Aie mawi aku? Dia! Ia batantu akan mahining kare auhku.

⁷Aku dia sala tuntang aku olih mambela arepku intu taharep Aie, maka Ie akan mansanan aku bebas[36] sampai katatahie.

⁸Aku manggau Hatalla hila timor, barat, salatan, utara, tapi hong hete-hete Hatalla jaton; tuntang aku dia olih manyondau Ie.

¹⁰Tapi Ie katawan jalangku tuntang ingkang paingku. Amon kilau amas aku iriksa, akan taragitan je ateiku puna barasih.

¹¹Aku baketep manumon auh Aie; jaton puji aku mahiwang bara jalan je inukas Awie.

¹²Kare parentah Hatalla harajur inumongku, aku omba kare kahandak Aie, tuntang dia kahandakku kabuat.

¹³Hatalla te dia hobah; jaton je olih malawan Ie; Ie malalus taloh je eka kahandak Aie.

¹⁴Ie akan malalus rancana Ayue akangku, tuntang magon are tinai rancana Ayue je beken.

¹⁵Awi mikeh intu Ie, maka aku hagenjeh; sasar aku manirok taloh handiai te, sasar lembut kikehku.

¹⁶Je Jaton Tikas Kuasae mampanihau kahanyingku. Aku mikeh awi ie Hatalla, tuntang dia awi taloh je kaput pijem, aloh kakaput te mangaliling aku tuntang manutup baungku.