Read Ngaju YOB 26 Bible Online

YOB 26 - Ngaju bible

YOB 26

¹Tapi Yob tombah, “Lalehan kapintarm mandohop aku oloh je balemo tuntang paham heka!

³Lalehan kahalape auh tingak tuntang ajar te je jari inengam akangku oloh je bureng toh!

⁴Akan eweh ikau manintu kotakm te? Tuntang eweh je mangarinah akam kotak tumon te?”

⁵Tombah Bildad,[39] “Kare oloh je intu eka kare liau hagenjeh, danum tuntang taloh huange manampatap.

⁶Intu taharep Hatalla, eka kare liau habangah, dia batutup sampai gitan awie.

⁷Hatalla mambirang langit intu hunjun tasik, ie mangkoak petak hong eka buang.

⁸Ie manyuang baunandau hapan danum sampai mamurai, tapi baunandau te dia barabit awi ehate.

⁹Inyahokan Awie kalawan bulan bunter hong likut baunandau je jari imbirang Awie.

¹⁰Ie manggambar garis bunter intu bilon tasik hapa mamisah kalawa bara kakaput.

¹¹Amon ie malait hapan auh je hai, kare tongket panyangga langit hagenjeh.

¹²Tasik lombah impakalah[40] awi kuasan Aie tuntang Rahab[41] mahin injara awi kaapike.

¹³Tahaseng Aie mamapas langit sampai barasih toto; lengen Aie mampatei naga je handak hadari.[42]

¹⁴Tapi taloh handiai te baya tanda kuasan Aie; baya auh bisik korik je sampai pinding itah. Lalehan kaisute kaharatin itah tahiu Hatalla tuntang kahain kuasan Aie!”