Read Ngaju YOB 3 Bible Online

YOB 3 - Ngaju bible

YOB 3

¹ Limbah te Yob manampara bapander tuntang manyapa andaue inakan, koae,

²“O Hatalla, nyapa andauku inakan, tuntang alem aku nampara inihi induku!

⁴O Hatalla, ngaput andau te, nganan bara pangingat Aim sampai lilap; ela kea Ikau manalua kalawa je tarang uka mampalawa jete.

⁵Awi andau te jadi kaput pijem, kawus tuntang derem; nyangkulep hapan baunandau je babilem, keleh nutup bara kalawan matanandau.

⁶Keleh alem te inganan bara itong nyelo tuntang bulan; ela tinai mangenange ela kea mitonge.

⁷Nauhe alem te kontep dengan kakaput je jaton angat sinta, jaton kea kahanjak.

⁸O kare tabit tuntang tukang mangamburi Lewiatan,[6] ngapehe andau te hapan kare sapa.

⁹Ela sampai bintang sawah mampalua kalawae, ela manalua kalawan matanandau hanjewu mampalembut kalawae! Nauhe alem te jaton bara guna mentai panumah andau tuntang kaharap je taheta.

¹⁰Keleh tarasapa alem calaka metoh aku inakan induku, tuntang inalua mananggong kapehe.

¹¹Mbuhen aku dia matei hong kanain induku atawa mahutus metoh aku inakan?

¹²Mbuhen aku imalok induku tuntang imangkoe, hayak impatusoe hong usoke?

¹³Jaka metoh te aku matei, maka aku balalu batiroh hayak melai suni malayan kaheka,

¹⁴kilau kare raja tuntang oloh kuasa horan, je mamangun haluli istana jaman horan.

¹⁵Aku batiroh kilau anak raja, hayak manyuang humae dengan amas perak.

¹⁶Mbuhen aku dia inakan jaton bara hambaruan mangat tirohku tiroh tujah?

¹⁷Hong hete, intu huang kubur, oloh papa dia mawi kapapa, tuntang kare oloh je tukang bagawi je heka tau malayan bara kahekae.

¹⁸Tinai oloh tawanan mangkeme salawah, lapas bara kalait kare oloh je manjaga.

¹⁹Intu hete uras oloh sama: je basewut tuntang je dia basewut. Tuntang kare jipen kajariae imbebas.

²⁰Mbuhen olon inalua harajur belom hong kapehe? Mbuhen kalawa inenga akan oloh je pehe atei?

²¹ Ewen labih marajin kubur bara panatau, mentai pampatei, tapi dia kea dumah.

²²Kasanang harun tau ingkeme amon ewen matei tuntang ingubur.

²³Kare andau je inaharep ewen inyangkulep awi Hatalla, ewen ingapong awie bara kare serok hakaliling.

²⁴Akan gantin kuman aku bakotok, dia tera-terai aku mungoh.

²⁵Uras kare taloh je mampalembut kamelesku, buah aku, uras kare taloh je ingikehku, mantakan aku.

²⁶Akangku jaton angat kasanang, aku mangkeme kapehe jaton bara kahapus.”