Read Ngaju YOB 30 Bible Online

YOB 30 - Ngaju bible

YOB 30

¹Tapi toh aku ihababaka awi oloh je labih tabela bara aku. Bihin bapa ewen ingabele awiku akan omba ason sakatikku manjaga tabiringku.

²Akangku ewen dia baguna awi jadi lepah kaabase.

³Ewen balau tuntang paham kapehe, sampai kuman uhat keang intu padang pasir je languen.

⁴Ewen manjawut anak kayu intu parak kayu palus kuman aloh dawee atawa uhate.

⁵Ewen ingohah oloh hapan kariak kilau oloh maharak maling.

⁶Ewen melai intu huang kare goha; kare rumbak hong benteng bukit jadi human ewen.

⁷Hong himba ewen mangaung kilau meto, hapumpong penda kayu korik intu parak baho.

⁸Ewen jaton bara aran tuntang dia barega, ewen sama kilau oloh je iharak bara lewue.

⁹Toh ewen dumah tuntang aku inatawee; akan ewen aku toh kilau taloh je lucu bewei.

¹⁰Ewen manawah tuntang manjilek aku, sampai baungku iluja ewen.

¹¹Awi Hatalla je mawi aku balemo jaton bara kaabas, ewen mameda belaie mamok aku.

¹²Kawan oloh papa te manyarang aku bara hila baun, tuntang kanjato bitingku jari irencana awi ewen.

¹³Ewen mangampeng jalangku, uka mambinasa aku, jaton ije biti oloh je mahalange[48] katika ewen manyarang.

¹⁴Kilau sohon danum ewen manelak dinding ekaku manahan; rami-rami ewen mahenyek bitingku.

¹⁵Aku inyangkulep awi taloh je bakaike-ikeh; kilau ihimon awi riwut, regangku nihau mahalau.

¹⁶Toh aku bilak matei; andau kajake manyangkulep aku.

¹⁷Katika hamalem kakare tulangku manyilo, angat kapehe je manungut dia tera-terai.

¹⁸Hatalla manyingkap aku intu uyat bajungku sampai pakaiangku barabit risai-rewei intu bitingku.

¹⁹Ie mahampas aku akan petak kisak, aku jadi sama kilau rutik bewei.

²⁰Aku mantehau Ikau, o Hatalla, Ikau dia tombah; amon aku balakudoa, Ikau dia manyenehe.

²¹Ikau lalau tulas dengangku, dengan salepah kaabas Aim Ikau manyiksa aku.

²²Ikau manalua aku imbit riwut tarawang; hong riwut barat Ikau mawi aku goyang-gapah.

²³Tawangku, Ikau mimbit aku akan eka liau oloh matei, eka uras taloh belom imumpong.

²⁴Mbuhen Ikau manyarang oloh je calaka, je dia olihe mawi taloh en-en je baya tau balaku dohop?

²⁵En dia aku manangis hayak oloh je buah kasusah, tuntang masi oloh je bara katapas?

²⁶Tapi metoh aku manggau taloh mangat tuntang kalawa, salenga kapehe tuntang kakaput je dumah.

²⁷Aku barabit awi kapehen atei tuntang calaka; andau baganti andau sasar are taloh kapehe je inyarenangku.

²⁸Aku kumbang-kamba hong taloh kaput pijem je jaton bara kalawa; aku mendeng intu taharep oloh are balaku dohop.

²⁹Auhku asi-asi kilau tangis sarigala tuntang burong onta.

³⁰Pupusku jadi babilem; bitingku imapui lasut awi darem.

³¹Bihin aku mahining musik kahanjak, toh je aton baya tangis tatum.