Read Ngaju YOB 40 Bible Online

YOB 40 - Ngaju bible

YOB 40

¹O Yob, ikau malawan Aku, Hatalla Je Jaton Tikas Kuasae; en ikau handak mangalah atawa ikau handak malawan?”

³Maka Yob tombah auh TUHAN, “Aku hakotak kilau oloh humong, o TUHAN. Narai auh panombah je tau inengaku? Jaton taloh je handak imanderku tinai.

⁵Jadi lalau kare taloh je ingotak awiku.”

⁶Balalu bara huang riwut barat TUHAN hakotak tinai dengan Yob

⁷Balalu TUHAN hamauh dengan Yob, “Naharep Aku kilau oloh hatue, tuntang nombah kare paisek-Ku toh.

⁸En ikau dia handak manarima kaadilan ayung-Ku, tuntang mambujur arepm balalu manyalan Aku?

⁹En ikau abas kilau Aku? En olih kahain auhm sama kilau kahain auhku je kilau kahain auh nyaho?

¹⁰Makaian arepm hapan kuasa tuntang kahai, kepan kabungas tuntang katinduh kahalap.

¹¹Ite oloh je bajoho ateie; ukei lason kasangitm tuntang parandah ewen.

¹²Yoh, tampayah oloh je bajoho, parandah ewen! paramok oloh papa intu ekae.

¹³Ngubur ewen uras intu huang kawo; ngurong ewen intu lewun oloh matei.

¹⁴Maka aku akan manara ikau awi ikau manang mahapan kaabasm kabuat.

¹⁵Item gajahmina,[58] meto hai te; sama kilau ikau, ie kea injapa awiku. Kare oru akan panginae, kilau sapi.

¹⁶Tapi nantuani kaabas intu huang berenge tuntang kaabas intu uhat bitie!

¹⁷Ie mampendeng ikohe kilau batang seder, uhat sapake segah tuntang batekang.

¹⁸Kare tulange batekang sama kilau pipa tambaga, tuntang paie segah sama kilau dereh sanaman.

¹⁹Bara marak kare kawan taloh belom aing-Ku ie je paling tamam; baya awi je manjapae ie olih impakalah.

²⁰Intu kare bukit eka meto baliar hanja-hanjak horeh, tumbo oru je indu panginae.

²¹Ie menter penda rowut baduhi, tuntang manyahokan marak rampiang intu luau.

²²Rowut baduhi mangalindong ie hapan kankalingee. Batang bakau intu saran sungei manganjungen ie.

²³Ie dia mikeh aloh Sungei Yordan paham dehese, ie jaton paduli aloh danum manepe baue.

²⁴Eweh bahanyi mambute matae, manjarat baue hapan jarat balalu manawae?