Read Ngaju YOB 5 Bible Online

YOB 5 - Ngaju bible

YOB 5

¹Tehau, o Yob, en aton panombah? Malekat je kueh je handak ilakum pandohope?

²Baya oloh je humong bewei je matei awi kapehe ateie.

³Puji aku mite oloh humong, ampin pambelome dehen toto. Tapi salenga ih aku manyapa ekae melai.

⁴Balalu kare anake dia ie maharagoe; jaton je mendohop ewen intu eka basara.

⁵Taloh je inggetem ewen hong tana, lepah kinan oloh je kanaie buang. Malahan gandom je bentok parak baho[9] lepah kinan oloh je balau. Kare ramo tuntang panatau ayun ewen, Ramo tuntang panatau ewen mampipen oloh ja haus belaie dengan panatau.

⁶Dia bara hunjun petak kapapa lembut, dia bara petak kasusah dumah.

⁷Dia! Tapi bara olon kabuat je mimbit calaka akan arepe, sama kilau tampitik gutin apui lembut bara apuie kabuat.[10]

⁸Jaka aku buah taloh je kilau ampim toh, aku akan mantehau Hatalla. Aku akan mansanan ampingku akan Hatalla. tuntang manyarah perkara aingku Akae.

⁹Kare gawin Hatalla dia laluen kahaie; dia olih itah maharati. Kare taloh heran je ilalus Awie, dia taraise, jaton kalepahe.

¹⁰Ie mampamohon ujan akan petak sampai tana tuntang janah uras imbisa.

¹¹Ie Hatalla je manggatang oloh randah, tuntang manenga kasanang akan oloh susah.

¹² Ie mambalang rencana oloh je bakalilit, Ie manjabak tuntang manangkap oloh pintar, sampai kare gawin ewen uras dia tau manjadi, tuntang ewen buah tipu awi akale kabuat.

¹⁴Handau ewen buah kakaput, gaya-gayap kilau hamalem.

¹⁵Tapi Hatalla manyalamat: oloh je belom susah[11] bara pampatei, oloh randah bara katulas je paham.

¹⁶Toh aton tinai kaharap akan oloh je jaton tempon taloh en-en. Tuntang oloh papa jaton samasinde hamauh, awi Hatalla jari mambangus baue.

¹⁷ Baontong ikau amon Hatalla maningak ikau! Ela korik atei amon Ie manyalan ikau.

¹⁸ Awi Hatalla mawi kapehe, Ie kea je manatambae. Tuntang lengen Ayue je mamukul, lengen Ayue te kea je mahalalian.

¹⁹Amon bahaya maancam, ikau harajur inyalamat.

²⁰Amon lau paham mantakan, ikau dia akan matei balau. Jaka lembut parang je mamok paham, ikau dia akan buah pampatei.

²¹Ikau ihaga bara kare dawa je dia toto tuntang bara kare auh je tau mawi kapaut; keleh naharep calaka sambil jaton mikeh.

²²Amon kakaras katulas tuntang lau dumah mantakan, ikau akan tatawe tuntang kaharap ayum dehen. Ikau dia akan mangkeme mikeh atawa meles, manaharep meto basiak je mamok.

²³Tana je iluku awim dia habatu; meto je bariar dia akan manyarang ikau.

²⁴Ikau sanang mangat melai hong kemahm; tinai amon ikau mariksa kare tabirim, uras jete salamat, jaton je nihau.

²⁵Anak esom dia taraise karee, ewen kilau kare oru hong padang.

²⁶Kilau gandom masak, inggetem hong katikae, ikau mahin akan belom barigas sampai kabakas.

²⁷Yob, taloh te uras jari iriksa ikei. Auh te toto, narima ih awim.”