Read Ngaju MASMUR 108 Bible Online

MASMUR 108 - Ngaju bible

MASMUR 108

¹Nyanyi. Masmur Dawid.

² Aku percaya dehen toto, o Hatalla, aku handak manyanyi tuntang manara Ikau. Ayo misik hambaruangku!

³Ayo misik, gambus tuntang kacapi! Aku handak mampisik andau sawah.

⁴TUHAN, aku handak manarimakasih akam marak kare bangsa. Aku handak manyanyi tara akam marak ungkup oloh kalunen.

⁵Awi sintan Aim hai sampai akan langit tuntang kaketep Aim sampai kare baunandau.

⁶O Hatalla, parahan kahaim hong langit, tuntang kabungas Aim hong hapus kalunen.

⁷ Keleh manyalamat ikei hapan kuasan Aim, keleh tombah auh lakudoan ikei. mangat kare oloh je inyinta Awim inyalamat.

⁸Bara eka melai Aie ije barasih[61] Hatalla hamauh, “Aku handak basasurak tuntang mambagi-bagi Tanah Sikhem, Janah Sukot kareh inenong-Ku.

⁹Gilead tuntang Manase jete ayung-Ku, Epraim jete tanggoi waja ayung-Ku, tuntang Yuda sukah karajaang-Ku.

¹⁰Tapi Moab jete eka menyau paing-Ku; Aku basasurak tagal kamanang bara Pilistin. Akan Edom intarik-Ku sarumpah-Ku, kilau tanda je ie ayong-Ku.”

¹¹Eweh akan mimbit aku talih Edom? Eweh ngagalan aku akan kotaje hadinding batu te?

¹²O Hatalla, en dia Ikau omba mampahayak ikei? En Ikau dia miar hayak dengan antara ain ikei?

¹³Dohop ikei malawan musoh, awi pandohop olon dia baguna.

¹⁴Hayak dengan Hatalla, itah kareh menteng mamut; Ie wei je mampakalah musoh itah.