Read Ngaju MASMUR 116 Bible Online

MASMUR 116 - Ngaju bible

MASMUR 116

¹Aku sinta dengan TUHAN, awi Ie mahining auhku tuntang manyeneh palakungku.

²Ie mahining auhku sining aku mantehau Ie.

³Aku inaripi bahaya pampatei; kikeh dengan pampatei mantakan aku, mawi aku balisah tuntang mikeh.

⁴Palus aku mantehau TUHAN, “O TUHAN, aku balaku, keleh nyalamat aku!”

⁵TUHAN te sinta tuntang adil; Hatallan itah kontep asi.

⁶TUHAN mahaga kare oloh je naniha; katika aku belom Ie manyalamat aku.

⁷Aku mampamangat ateiku, awi TUHAN bahalap dengangku.

⁸TUHAN jari maliwus aku bara pampatei; Ie mampong aku tuntang dia manalua aku manjato.

⁹Palus aku tau mangkeme kamangat pambelom hong kalunen toh, huang kalindong TUHAN.

¹⁰ Aku tetep percaya, aloh aku hamauh, “Aku paham tahapit.”

¹¹Huang kapehen tirokku aku hamauh, “Jaton ije oloh je tau imercaya.”

¹²Narai je kareh inengaku akan TUHAN hapa mamaleh kahalap Aie dengangku?

¹³Aku kareh mimbit parapah anggor akan TUHAN indu tarimakasih tagal kahalap Aie.

¹⁴Aku kareh manggenep janjingku dengan TUHAN intu taharep hapus ungkup Ayue.

¹⁵TUHAN paham manyayang, pampatei ije biti oloh je inyintae.

¹⁶Aku toh rewar Aim, o TUHAN, kilau induku, aku kea sombayang Akam Ikau jari maliwus aku bara eka tawanan.

¹⁷Aku kareh magah parapah tarimakasih Akam, sambil mansanan lakudoangku Akam.

¹⁸Aku kareh manggenep janjingku dengan TUHAN, intu taharep hapus ungkup Ayue

¹⁹je hapumpong intu parantaran TUHAN, intu bentok lewu Yerusalem. Tara TUHAN!