Read Ngaju MASMUR 132 Bible Online

MASMUR 132 - Ngaju bible

MASMUR 132

¹Nyanyi siarah. O TUHAN, keleh mingat Dawid, tuntang kare kapehee.

²Ela kalapean dengan lakudoae intu TUHAN, akan janjie Dengam Je Pangkaabase, Hatallan Yakob.

³Koae, “Aku dia kareh matei intu humangku atawa batiroh dengan sasurongku,

⁵sahelo bara aku manampa huma akan Hatallan Yakob, eka melai akan TUHAN Je Pangkaabase.”

⁶ Intu Betlehem itah mahining tahiu Patin Janji, palus manyondau jete intu janah Yaar.

⁷Keleh itah haguet akan eka melai ainTUHAN, tuntang manyembah Ie intu baun padadusan Aie.

⁸Dumah tuntang melai intu Huma Aim TUHAN, hayak Patin Janji, tanda kuasan Aim.

⁹Keleh ungkup Aim basasurak hanjak, tuntang kare imam Ayum harajurbelom tumon kahandak Aim.

¹⁰Tagal Dawid, rewar Aim, ela manolak raja paintih Aim.

¹¹ TUHAN jari sumpah dengan Dawid; Ie dia kareh mungkir janjin Aie. Koae, “Ije anakmu kareh iawi-Ku raja akan marentah mangganti ikau.

¹²Amon kare anakmu manumon janjing-Ku, tuntang manumon kare parentah-Ku, te sampai katatahie turonan ewen mangganti ikau kilau raja.”

¹³Awi TUHAN jari mintih Sion; Ie mangahandake akan ekae melai.

¹⁴Koae, “Hong hetoh eka-Ku melai sampai katatahie, Aku handak marentah intu eka toh.

¹⁵Kare taloh hapae kareh inggenep-Ku hakutoh karee, kare oloh je belom susah impakanang-Ku sampai besoh.

¹⁶Kare imam mamparahan salamat bara Aku; ungkup ayue kareh manyanyi tuntang basasurak hanjak.

¹⁷ Intu hetoh ije biti turonan Dawid injadian-Ku raja; pamarentah ayue kareh indeheng-Ku

¹⁸Karajaae kareh harajur sanang, tapi kare musohe kareh impahawen.”