Read Ngaju MASMUR 135 Bible Online

MASMUR 135 - Ngaju bible

MASMUR 135

¹Tara TUHAN! Keleh tara aran TUHAN, o keton kare rewar Aie

²je sombayang intu Human TUHAN intu eka melai ain Hatallan itah.

³Tara TUHAN, awi Ie bahalap, tara arae awi Ie pamasi.[70]

⁴Ie mintih Yakob akan Arepe, ungkup Israel iawi jadi Ayue.

⁵Basa aku katawan TUHAN toto hai, Ie pangkahai malabien bara kare dewa.

⁶Ie malalus taloh je ingahandak Awie, intu langit tuntang intu hunjun petak, intu tasik tuntang intu tasik lombah je handalem.

⁷Bara tapakan petak Ie mampadumah baunandau, Ie manampa kilat mangat ujan. Palus Ie marentah riwut mangat balua bara ekae iingkes Awie.

⁸Intu Misir ie mampatei uras anak je tambakase bara olon atawa meto kea.

⁹Intu hete Ie malalus are taloh heran tuntang tanda hapa mahukum raja tuntang uras kare pagawai ayue.

¹⁰Ie mambinasa are bangsa, tuntang mampatei kare raja je menteng.

¹¹Sihon raja Amori tuntang Og raja Basan, tuntang uras kare raja hong Kanaan.

¹²Palus lewun ewen inyarah Awie jadi ain Israel, ungkup Ayue.

¹³O TUHAN, Ikau kareh tetep imbarita, tuntang Aram je ingenang awi uras kare turonan.

¹⁴Awi Ikau manenga kaadil akan ungkup Aim, tuntang sinta kare rewar Aim.

¹⁵ hampatong dewa ain ewen bara amas tuntang perak, kare tampan lengen olon.

¹⁶Ewen aton nyamae tapi dia tau hakotak, aton matae tapi dia tau mite.

¹⁷Ewen aton pinding tapi dia tau mahining, bara nyamae jaton balua tahaseng.

¹⁸Keleh kalote nasib oloh je manampae, tuntang je percaya dengae.

¹⁹Tara TUHAN, o ungkup Israel, tara Arae, o kare imam Hatalla!

²⁰Tara TUHAN, o kare oloh Lewi, tara Ie, uras keton je manumon.

²¹Tara TUHAN intu Sion, intu Yerusalem ekae melai. Tara TUHAN!