Read Ngaju MASMUR 136 Bible Online

MASMUR 136 - Ngaju bible

MASMUR 136

¹ Keleh manarimakasih akan TUHAN, awi Ie bahalap; sintan Aie sampai katatahie.

²Tarimakasih akan Hatalla Je Pangkagantonge; sintan Aie melai katatahie.

³Tarimakasih akan TUHAN Je Pangkahai; sintan Aie melai katatahie.

⁴Baya Ie je mawi kare taloh heran ije hai; sintan Aie melai katatahie.

⁵ Hapan kapintar kaharatie Ie manjapa langit; sintan Aie melai katatahie.

⁶Ie mambirang petak intu hunjun danum; sintan Aie melai katatahie.

⁷ Ie manampa kare taloh balawa intu langit; sintan Aie melai katatahie;

⁸matanandau akan manguasa andau; sintan Aie melai katatahie;

⁹bulan akan manguasa alem; sintan Aie melai katatahie.

¹⁰ Ie mampatei kare anak bakas oloh Misir; sintan Aie melai katatahie.

¹¹ Israel iagah Awie balua bara Misir; sintan Aie melai katatahie;

¹²hapan lengen Aie je abas tuntang menteng; sintan Aie melai katatahie;

¹³ Tasik Raruju inyila Awie; sintan Aie melai katatahie;

¹⁴Israel ungkup Ayue iimbite akan dipah silae; sintan Aie melai katatahie;

¹⁵Tapi raja Misir tuntang tantarae impaleteng Awie; sintan Aie melai katatahie.

¹⁶Ie mangagalan ungkup Ayue mahalau padang pasir; sintan Aie melai katatahie.

¹⁷Ie mampakalah kare raja je menteng; sintan Aie melai katatahie;

¹⁸Ie mampatei kare raja je basewut; sintan Aie melai katatahie.

¹⁹ Sihon, raja Amori; sintan Aie melai katatahie;

²⁰ tuntang Og raja Basam; sintan Aie melai katatahie.

²¹Lewun ewen inyarah Awie akan ungkup Ayue; sintan Aie melai katatahie;

²²jadi ayun Israel rewar Ayue; sintan Aie melai katatahie.

²³Ie dia mangalapean itah katika itah impakalah; sintan Aie melai katatahie.

²⁴Ie maliwus itah bara lengen musoh; sintan Aie melai katatahie.

²⁵Genep taloh belom impakanan Awie; sintan Aie melai katatahie.

²⁶Keleh manarimakasih akan Hatalla je kuasa intu langit; sintan Aie melai katatahie.