Read Ngaju MASMUR 140 Bible Online

MASMUR 140 - Ngaju bible

MASMUR 140

¹Akan pamimpin koor. Masmur Dawid.

²Keleh maliwus aku bara oloh papa, o TUHAN, jaga aku taharep oloh je malalus kakaras.

³Ewen marencana kapapa hong ateie, tuntang sining andau mawi kapaut kabantah.

⁴ Jelan ewen kilau handipe tada, kare auh ewen kilau wisan hanjaliwan.

⁵O TUHAN, kalindong aku bara kuasan oloh papa, jaga aku taharep oloh je mawi kakaras je nahuang mampanjato aku.

⁶Kare oloh bajoho suni-suni manenan jarat akangku, tuntang mambirang jaring akan manyingkap aku. Hong hapus jalan ewen mamasang jabak hapa manjabak aku.

⁷O TUHAN, aku hamauh: Ikau wei Hatallangku, keleh nantuani auh lakudoangku.

⁸TUHAN, Hatallangku, panyalamatku je abas, Ikau jari mangalindong aku hong parang kalahi.

⁹Ela manarima kanahuang oloh papa, o TUHAN, ela manalua rencana ewen bahasil.

¹⁰Ela manalua musohku manang; nauhe kare pander papa je insanan ewen buah arep ewen je mamapa aku.

¹¹Nauhe ewen buah ujan barah apui, tuntang inganan akan lowang pampatei sampai dia tau balua tinai.

¹²Nauhe oloh je mawi kakaras buah calaka, ela manalua oloh je mamapa melai hunjun petak.

¹³Aku katawan Ikau manenga kaadilan akan oloh tatindas, tuntang mambela pakaran oloh je belom susah.

¹⁴Oloh bujur kareh manara Ikau; ewen kareh melai Dengam.