Read Ngaju MASMUR 141 Bible Online

MASMUR 141 - Ngaju bible

MASMUR 141

¹Masmur Dawid. Aku mantehau Ikau, o TUHAN, dohop aku bajeleng! Hining auhku amon aku mantehau Ikau.

² Keleh tarima auh lakudoangku kilau parapah garo, tuntang lengengku je indepe kilau parapah hamalem.

³O TUHAN, haga nyamangku tuntang jaga biwihku.

⁴Ngejau aku bara kanahuang mawi kapapa. Ela nalua aku hinje dengan oloh darhaka tuntang omba kuman hung pesta ain ewen.

⁵Amon ije biti oloh bahalap maningak aku, tuntang dengan kabujur ateie manjara aku, jete kilau undus je paling bahalap akangku. Keleh jaka aku dia manolak jete, awi aku harajur balakudoa malawan kapapan ewen.

⁶Amon kare oloh kuasa ain ewen, injakah bara kare tiwing batu, ewen kareh mangaku je kare auhku toto.

⁷Kare tulang itah kareh inawor intu saran kubur kilau ije batu indarai akan petak.

⁸Tapi aku tetep harap Dengam, o TUHAN, Hatallangku, ela manalua aku matei awi aku bakalindong Dengam.

⁹Kalindong aku bara jarat je imasang akangku, bara jabak ain kare oloh papa te.

¹⁰Nauhe ewen manjato akan jarat ewen kabuat, tapi keleh jaka aku salamat.