Read Ngaju MASMUR 142 Bible Online

MASMUR 142 - Ngaju bible

MASMUR 142

¹ Nyanyi ajar Dawid katika ie aton hong guha.

²Dengan hai auh aku mantehau TUHAN; dengan auh batengkong aku balaku pandohop Aie.

³Intu taharep Aie aku mungoh; insanangku lepah kasusahku Akae.

⁴Katika aku bilak bageto kaharap, Ikau katawan taloh je musti ilalusku. Intu jalan je musti ihalauku, musoh suni-suni mamasang jarat akangku.

⁵Katika aku manangkilik akan balikat, gitangku jaton pandohop akangku. Jaton ije je mangalindong aku atawa je paduli dengangku.

⁶Aku mantehau intu Ikau, o TUHAN, Ikau wei eka kalindongku, Ikau wei je imerluku hong pambelom jetoh.

⁷Keleh nantuani auh tehauku, awi aku paham kapehe. Keleh nyalamat aku bara kare musohku, awi ewen pahalau abas akangku.

⁸Keleh maliwus aku bara penjara,[73] palus intu bentok pumpong ungkup Aim, aku kareh manara Aram, awi Ikau jari mawi taloh bahalap akangku.