Read Ngaju MASMUR 16 Bible Online

MASMUR 16 - Ngaju bible

MASMUR 16

¹Masmur Dawid. Keleh manjaga aku, o Hatalla, awi aku bakalindong intu Ikau.

²Aku hamauh, “Ikau TUHAN aingku, kasanang ateiku, jaton aton je labih bara Ikau!”

³Aku mahormat kare oloh barasih hong lewu toh; kakilakku iete melai hinje ewen.

⁴Nauhe oloh je manyembah kare dewa sasar paham kapehen ateie. Aku dia nahuang bakurban akan kare dewa, manyewut arae mahin aku dia nahuang.

⁵TUHAN, Ikau bewei je ayongku; Ikau manenga kare je imerluku, kajarian pambelomku aton huang lengen Aim.

⁶Paham bahalap panengan Aim akangku, paham manyanang ateiku!

⁷Aku manara aran TUHAN je manasehat aku; katika hamalem mahin pangingat ateiku majar aku.

⁸ Aku harajur ingat dengan TUHAN; Ie aton intu balikatku, awi te aku dia tendur.

⁹Awi te ateiku hanjak tuntang hambaruangku basasurak, tuntang bitingku malayan dengan kasanang.

¹⁰ Awi Ikau dia manalua aku matei; oloh je inyinta Awim dia Ikau manaluae binasa.

¹¹Ikau imparahan akangku jalan manintu pambelom; hong Ikau aku mandino kahanjak je malabien tuntang kasanang sampai katatahie.