Read Ngaju MASMUR 2 Bible Online

MASMUR 2 - Ngaju bible

MASMUR 2

¹ Mbuhen kare bangsa mawi kaderoh tuntang kare suku bangsa marencana taloh je hayang?

²Kare raja hingkat hayak tuntang kare panguasa pakat malawan TUHAN tuntang raja paintihe.

³Kare panguasa te hamauh, “Ayo itah marapak kuasan ewen; tuntang marabut kamardekan itah.”

⁴Bara padadusan Aie hong sorga TUHAN tatawe tuntang mahalalea rencana ewen.

⁵Palus ewen iancam Awie dengan kasangit Aie tuntang inarewen dengan kalait Aie.

⁶Ie hamauh, “Intu Sion [1] bukit-Ku je barasih jari ilantik-Ku raja paintih-Ku.”

⁷ Koan raja, “Aku handak mansanan taloh je jari inukas TUHAN Koae dengangku; ‘Ikau anak-Ku, andau toh Aku jadi Bapam.

⁸Laku, maka uras bangsa kareh inenga-Ku akam, tuntang hapus petak iawi-Ku ayum.

⁹ Ewen kareh imelek dengan tungkeh sanaman tuntang imusitm kilau kenceng petak.’ ”

¹⁰Jadi seneh, o kare raja, hining, o kare panguasa kalunen!

¹¹Keleh manempo TUHAN dengan kaketep,

¹²sontop hong taharep Ie dengan hagenjeh,[2] ela sampai TUHAN sangit tuntang ikau imbinasa nantekas awi kasangit Aie banyala nyalenga. Salamat oloh je bakalindong intu TUHAN!