Read Ngaju MASMUR 20 Bible Online

MASMUR 20 - Ngaju bible

MASMUR 20

¹Akan pemimpin koor. Masmur Dawid.

²Keleh TUHAN tombah auhm hong katika kajake, keleh kuasan Hatallan Yakob mangalindong ikau!

³Keleh Ie mangirim pandohop bara Human Ayue tuntang mandohop bara Bukit Sion.

⁴Keleh Ie mingat kare parapahm, tuntang sanang dengan kare parapah je ingehum.

⁵Keleh Ie menenga uras taloh je ingahandakm tuntang mawi hapus rencana bahasil.

⁶Maka ikei basasurak hanjak tagal kamanangm, tuntang mantajok kare bandera akan manara Hatallan itah. Keleh TUHAN manenga uras palakum.

⁷Toh tawangku je TUHAN manenga kamanang akan raja paintih Ayue. TUHAN manombah ie bara sorga je barasih; awi kuasan TUHAN ie mandino kamanang hai.

⁸Aton oloh je mampatamam kareta parange, aton kea je mampatamam kudae. Tapi itah mampaandal kuasan TUHAN, Hatallan itah.

⁹Ewen kareh tahantok palus balongkang, tapi itah kareh harikas tuntang mendeng dehen.

¹⁰O TUHAN, tenga kamanang akan raja, nombah auh ikei [12] katika ikei mantehau.