Read Ngaju MASMUR 26 Bible Online

MASMUR 26 - Ngaju bible

MASMUR 26

¹Masmur Dawid. Tenga kaadilan akangku, o TUHAN, awi aku belom dengan katoton ateiku. Aku harap dengan TUHAN, tuntang dia bembang aloh isut.

²Keleh nyalidik aku, o TUHAN, tuntang riksa aku, riksa kanahuang tuntang tirokku.

³Aku harajur mingat sintan Aim, tuntang harajur baketep Dengam.[18]

⁴Aku dia maku hinje dengan panipu, atawa belom dengan oloh haliau.

⁵Aku basingi dengan pumpong oloh je mawi kapapa, oloh papa ihakangku.

⁶Ienyauku lengengku tanda aku jaton bara kasalan, tuntang mananjong mangaliling mesbeh Aim, o TUHAN,

⁷sambil manyanyi lagu tarimakasih, tuntang mambarita gawim je bakahera-heran.

⁸Aku sinta dengan Humam, o TUHAN, eka Ikau melai dengan kontep Kahaim.

⁹Ela mampatei aku hayak oloh badosa, atawa manjawut hambruangku hayak oloh je manusoh daha.

¹⁰Ewen raju-rajur mawi kapapa, tuntang harajur tatap manarima sogok.

¹¹Tapi aku belom dengan kabujur atei, pasi tuntang lapas aku.

¹²Maka aku palus aman bara kare bahaya, aku kareh manara aran TUHAN hong pumpong ungkup Ayue.