Read Ngaju MASMUR 27 Bible Online

MASMUR 27 - Ngaju bible

MASMUR 27

¹Masmur Dawid. TUHAN te kalawangku tuntang kasalamatku, jaton taloh je ingikehku. TUHAN te kota eka kalindongku, aku dia akan mikeh.

²Amon aku inyarang oloh papaje handak mampatei aku, ewen je tahantok palus balongkang.

³Aloh aku ingapong awi pasukan je hai, dia baka aku mikeh. Aloh parang nyalentop aku, aku tetep aton kaharap.[19]

⁴Baya ije taloh je ilakungku dengan TUHAN, baya jetoh bewei je ingahandakku: melai intu Human TUHAN katahin umur pambelomku, uka mangkeme kataun TUHAN tuntang balaku Ie mangagalan aku.

⁵TUHAN mangalindong aku intu wayah kajake: Ie manyahokan aku intu huang Humae, tuntang manggatang aku akan hunjun bukit batu.

⁶Toh aku manang bara musoh kaliling aku; palus dengan surak kahanjak aku maluput parapah tarimakasih intu Humae; aku handak manyanyi tuntang manara aran TUHAN.

⁷O TUHAN, keleh hining amon aku mantehau Ikau, pasi aku, tuntang nombah auhku.

⁸Ikau hamauh,[20] “Keleh dumah manyembah Aku.” Aku tombah, “Aku bajeleng dumah, o TUHAN;

⁹ela ah manyahokan bara aku.” Ela sangit tuntang manolak rewar Aim, awi Ikau je jari mandohop aku. Ela manganan atawa malihi aku, o Hatalla panyalamatku.

¹⁰Aloh bapa tuntang induku malihi aku, Hatalla kareh mahaga aku.

¹¹Parahan akangku kahandak Awim, o TUHAN, ngagalan aku intu jalan je bujur, awi musohku paham are.

¹²Ela manyarah aku akan kipen musohku, je manyarang aku hapan tanjaro tuntang ancaman.

¹³Aku percaya kareh mangkeme kahalap TUHAN, akan pambelomku hong kalunen jetoh.

¹⁴Keleh harap dengan TUHAN, keleh paabas tuntang mandehen ateim; yoh, keleh harap dengan TUHAN!