Read Ngaju MASMUR 28 Bible Online

MASMUR 28 - Ngaju bible

MASMUR 28

¹Masmur Dawid. O TUHAN, aku mantehau Ikau, Ikau pambela ayungku, hining auh tehauku. Amon Ikau kilau oloh bisu dengangku, aku kilau oloh je mohon akan rumbak kubur.

²Hining palakungku amon aku mangkariak balaku dohop, tuntang mantajok lengengku manintu Humam je barasih.

³Ela mampalomos aku hayak oloh darhaka, hayak oloh je mawi kapapa. Ewen hakotak manis auhe tapi atei ewen kontep kapapa.

⁴ Keleh mahukum ewen awi gawin ewen, awi kapapa je ilalus ewen. Keleh mahukum ewen tumon gawin ewen; tenga akan ewen hukuman je buah.

⁵Ewen dia paduli gawin TUHAN, atawa taloh je ilaluse. Palus ie kareh mahukum ewen, tuntang mambinasa ewen sampai katatahie.

⁶Tara TUHAN, awi Ie mahining auh palakungku.

⁷TUHAN palindong tuntang pambela ayungku, aku percaya Dengae. Ie mandohop tuntang mampahanjak ateiku, aku manara Arae mahapan nyanyi tarimakasih.

⁸TUHAN manenga kaabas akan ungkup Ayue, Ie mambela tuntang manyalamat raja paintih Ayue.

⁹Keleh nyalamat ungkup Aim, o TUHAN, keleh mamberkat kare oloh Ayum. Keleh Ikau jadi sakatik akan ewen, tuntang keleh man jaga ewen palus katatahie.