Read Ngaju MASMUR 3 Bible Online

MASMUR 3 - Ngaju bible

MASMUR 3

¹ Masmur Dawid, katika ie hadari bara Absalom, anake.

²O TUHAN, lalehan kare musohku, are toto je manyarang aku!

³Are je hakotak je Hatalla dia maku mandohop aku.

⁴Tapi Ikau, O TUHAN talawang je mangalindong aku, inenga Awim kamanang tuntang impahai Awim ateiku

⁵Aku mantehau TUHAN; bara bukit Aie je barasih[3] Ie tombah auhku.

⁶Aku menter tuntang batiroh mangat, tuntang misik hanjewu awi TUHAN mimbing aku.

⁷Aku dia mikeh bakoyan musoh je manyarang aku bara hete-hete.

⁸Salamat aku, O TUHAN, Hatallangku hukum tuntang palemo uras musohku.

⁹Bara Ikau wei dumah pandohop, O TUHAN, keleh mamberkat ungkup Ayum.