Read Ngaju MASMUR 30 Bible Online

MASMUR 30 - Ngaju bible

MASMUR 30

¹Masmur Dawid. Nanyi akan panyakitmian Human Hatalla.

²Aku manara Aram, o TUHAN, awi Ikau jari manyalamat aku tuntang dia manalua musohku manyurak aku.

³TUHAN, Hatalangku, aku mantehau Ikau balaku dohop, tuntang Ikau mampakeleh aku.

⁴Ikau malapas aku bara eka pampatei, tuntang mambela aku bara marak kare oloh matei.

⁵Keleh manyanyi auh Tara TUHAN, o ungkup Ayue je baketep, tuntang manarimakasih akan Ije Barasih Haliai.

⁶Awi hanjulo ih TUHAN sangit, kahalap Ayue aton hapus umur. Hong hamalem aku manangis, tapi andau sawah mimbit kahanjak.

⁷Katika aku mangkeme aman, aku hamauh, “Aku dia kare impakalah!”

⁸Awi Ikau tau dengangku, o TUHAN, Ikau mawi aku kilau bukit je abas. Tapi limbah te Ikau basahokan bara aku, tuntang aku mikeh.

⁹Aku mantehau Ikau, o TUHAN, dengan TUHAN aku balaku,

¹⁰“Narai gunae Akam amon aku matei tuntang mohon akan rumbak kubur? En tau oloh matei manara Ikau tuntang mambarita katetep Aim?

¹¹Hining, o TUHAN, tuntang pasi aku, TUHAN, dohop aku!”

¹²Tatumku jari iobah Awim jadi tari kahanjak, duan kapehen ateiku tuntang ngontep aku hapan kahanjak.

¹³Palus aku dia maku mambenyem arep; aku manyanyi tara Akam, o TUHAN, Hatalangku, tuntang manarimakasih Akam palus katatahie!