Read Ngaju MASMUR 37 Bible Online

MASMUR 37 - Ngaju bible

MASMUR 37

¹Bara Dawid. Ela balisah awi oloh papa, ela bahiri dengan oloh je mawi kasalan.

²Awi ewen gulong lilap kilau oru, tuntang balayu kilau taloh imbul je bahijau.

³Keleh percaya dengan TUHAN, tuntang lalus taloh je bahalap, keleh melai hong lewu te tuntang belom baketep.

⁴Keleh manggau kasanang intu TUHAN, Ie kareh manggenep kanahuang ateim.

⁵Keleh sarah pambelom aim akan TUHAN, keleh harap Ie, Ie kareh mandohop ikau.

⁶Ie mamparahan katetepm sama kilau kalawa, tuntang kabujurm sama kilau handau.

⁷Keleh mentai TUHAN dengan atei je sanai, keleh mentai dengan sabar sampai Ie mamaleh. Ela balisah tagal oloh je bahasil pambelome atawa je malalus gawin tipu.

⁸Ela sangit tuntang bahiri, jete baya mimbit calaka.

⁹Awi oloh je mawi kapapa kareh impalomos, tapi je harap dengan TUHAN kareh mawaris tanah te.

¹⁰Oloh papa kareh binasa bajeleng, amon inggau ie jari jaton.

¹¹ Oloh je randah atei kareh mawaris tanah te, tuntang mangkeme hakutoh taloh mangat je malabien.

¹²Oloh papa marencana taloh je papa mawi oloh bahalap, tuntang nampayah ie dengan kasingi.

¹³Tapi TUHAN manatawe oloh papa, awi Ie katawan kahapus oloh te jari tokep.

¹⁴Oloh papa mangilak padang tuntang mimes panah akan mampatei oloh je belom susah tuntang kapehe, akan manyambalih oloh je belom bahalap.

¹⁵Tapi oloh papa kareh buah pajok awi padange kabuat, panah ewen kareh imelek.

¹⁶Ramo isut je ayun oloh bahalap labih barega bara kalabien oloh papa.

¹⁷Awi kuasae oloh papa kareh imelek TUHAN, tapi oloh bahalap ingalindong Awie.

¹⁸TUHAN mahaga pambelom oloh barasih, pusaka ain ewen tetep palus katatahie.

¹⁹Oloh barasih kareh mawaris tanah te, tuntang melai hete sampai katatahie.

²⁰Oloh bahalap hakotak hapan kapintar, Ie harajur bujur huang kotak pandere.

²¹Oloh papa minjam taloh tapi dia maliae, tapi oloh bahalap manenga dengan sanang atei.

²²Oloh je imberkat TUHAN akan mawaris petak te tapi oloh je inyapa Awie akan iharak.

²³TUHAN mangagalan oloh intu jalan je musti ihoroie, Ie mandehen oloh je pambelome ingilak Awie.

²⁴Amon ie lawo, ie dia akan buah kapehe, basa TUHAN mimbing lengee.

²⁵Bara pesangku tabela sampai aku bakas, dia puji aku mite oloh bahalap ilihi TUHAN, atawa anak esoe manjadi oloh sadakah.

²⁶Ie harajur manjahaman tuntang manenga, tuntang kare anake manjdi berkat akae.

²⁷Lihi taloh je papa, keleh malalus taloh je bahalap, maka sampai katatahie turonam melai petak te.

²⁸Basa TUHAN sinta dengan gawi je bahalap tuntang adil, oloh je sinta Ie dia Ie manaluae belom asi-asi. Ie mangalindong ewen sampai katatahie, tapi turonan oloh papa akan impalomos.

²⁹Oloh je tinduh ateie akan mawaris lewu te, tuntang melai hete palus katatahie.

³⁰Oloh bahalap hakotak hapan kapintar kaharati, ie harajur bujur huang kotak tuture.

³¹Hukum Hatallae iingkese huang ateie, ie dia manyimpang bara jete.

³²Oloh bahalap inyinta awi oloh papa je manggau katika uka mampatei ie.

³³Tapi TUHAN dia manalua ie lawo intu lengen musoh, atawa ihukum hong katika ie manaharep pengadilan.

³⁴Keleh harap dengan TUHAN tuntang keleh manumon kare parentah Ayue, maka Ie manggatang ikau uka mawaris tanah te; ikau akan mite oloh papa impalomos.

³⁵Aku puji mite oloh papa je rajin mangamburau; ie sama kilau batang kayu je bajewong tuntang muhat handalem.

³⁶Katika aku[23] mahalau, ie jari jaton, aku manggau ie, tapi jaton aku sondau ie.

³⁷Keleh manantuani oloh bahalap tuntang je bujur ateie; oloh je rajin kadamai ie manaharep kare andau je bahalap.

³⁸Tapi oloh badosa akan binasa; turonan ewen akan impalomos.

³⁹TUHAN manyalamat oloh je bahalap ateie, tuntang mangalindong oloh je huang kajake.

⁴⁰Ie mandohop tuntang manyalamat ewen, tuntang maliwus ewen bara kare oloh papa, awi ewen bakalindong intu Ie.