Read Ngaju MASMUR 39 Bible Online

MASMUR 39 - Ngaju bible

MASMUR 39

¹Akan pamimpin koor. Masmur Dawid. Akan Yedutun.

²Koan tirokku, “Aku mahaga arepku mangat dia badosa dengan jelangku. Aku dia maku hakotak katahin oloh papa magon tokep.”

³Aku benyem sampai mamparugi arepku kabuat. Tuntang kapehengku sasar babehat;

⁴aku buah kasusah je paham. Sasar aku maniroke sasar susah ateiku, kajariae aku hamauh,

⁵“TUHAN sanan hamparea aku matei mangat aku katawan kakai kapandake pambelomku.”

⁶Pandak toto umurku inukas Awim! Akam kambo pambelomku jaton rimae. Toto, oloh kilau kewus tahaseng bewei,

⁷pambelome lilap kilau kangkalingen. Uras umure hayang bewei; ie manawon panatau, tapi dia katawan eweh kareh je mahapae.

⁸Toh narai je ientaiku, o TUHAN? Ikau eka kaharapku.

⁹Paliwus aku bara kare dosangku ela manalua aku indu hababakan oloh bureng.

¹⁰Aku suni tuntang dia marakang nyamangku, awi Ikau je manjara aku.

¹¹Duan hukuman Ayum bara aku, awi aku bilak matei awi pukul Aim.

¹²Olon tagal kasalae ihukum tuntang injara Awim, kilau gagat mampahancor taloh je barega akae. Toto, olon kilau kewus tahaseng bewei.

¹³Hining lakudoangku o TUHAN, seneh palakungku; ela suni amon aku manangis. Kilau uras kare tato hiangku, baya hanjulo ih aku manyandehan Dengam.

¹⁴Ela manderoh aku, mangat aku sanang isut, sahelo bara aku haguet tuntang jaton hindai.