Read Ngaju MASMUR 41 Bible Online

MASMUR 41 - Ngaju bible

MASMUR 41

¹Akan pamimpin koor. Masmur Dawid.

²Salamat oloh je manantuani oloh je balemo, TUHAN kareh mandohop ie intu wayah kajake.

³TUHAN kareh mangalindong tuntang mahaga ie, Ie kareh manyalamat ie hong hunjun petak, tuntang dia manyarah ie akan lengen musohe.

⁴TUHAN kareh mandohop ie metoh haban, tuntang mahalalian karigas.

⁵Koangku, “Aku jari badosa Dengam, o TUHAN, pasi aku tuntang parigas aku.”

⁶Musohku manahiu taloh je papa mawi aku, ewen nahuang uka aku matei tuntang ingalapean.

⁷Kare oloh je manyengok aku dia bujur ateie. Ewen manampunan barita papatahiu aku, palus mansanae akan hete-hete.

⁸Uras oloh je basingi aku habisik-bisika ewen mansanan taloh je pangkapapae tahiu aku.[24]

⁹Koan ewen, “Panyakite paham toto, ie dia tau mendeng tinai.”

¹⁰ Kawalku haream, je heret je paling imercayaku, oloh je kuman hayak dengangku, jari mahina aku.

¹¹Pasi aku o TUHAN pakeleh aku, uka aku tau mambaleh kapapan kare musohku.

¹²Amon aku dia impakalah musohku, katawangku je Ikau mangilak aku.

¹³Ikau mandohop aku awi kabujur ateiku, tuntang mawi aku belom Dengam palus katatahie.

¹⁴ Tara TUHAN, Hatallan Israel! Tara Akae toh tuntang palus katatahie! Keleh jadi tumon te. Amen!